Sionist rejiminin Dəməşqdə törətdiyi terror aktı və hava hücumu bir sıra Suriya qüvvələri də daxil olmaqla 4 iranlı müşavirin şəhadəti ilə nəticələnib.
Dəməşqdəki müxbirlərdən biri günorta saatlarında xilasetmə əməliyyatları və şəhidlərin cəsədlərinin dağıntılar altından çıxarılması prosesinin davam etdiyi haqda məlumat vermişdi.
Bu məlumata əsasən, təcavüzə məruz qalan bölgə yaşayış bölgəsi olub və o ərazidə heç bir hərbi bina yaxud idarə olmayıb.
Eyni zamanda İslami Cihadın məsul şəxslərindən olan “İsmail əs-Səndavi” İsrail rejiminin hücumuna məruz qalan məkanda bu hərəkatın heç bir üzvünün yaxud komandirinin olmadığını vurğulayıb və Hacı Ziyad Nuxalə və Hacı Əbu Muhəmməd Əkrəmin səhhətlərinin yaxşı olduğunu bildirib.
İşğal olunmuş Fələstində Əl-Əqsa Fırtınası əməliyyatları başlayan vaxtdan etibarən, sionist rejimi Suriyada 29 mülki və hərbi məntəqəni bombalayıb. Bu hücumların birində SEPAH-ın komandirlərindən olan “Hacı Rəzi Musəvi” şəhid olub.