Sionist rejiminə məxsus qırıcılar Qəzzə zolağının şimalında yerləşən Cəbaliya düşərgəsini bombalayıblar və bu da 100-dən çox insanın şəhid olması ilə nəticələnib.
Sionist rejiminin qırıcıları dünən (çərşənbə axşamı) günortadan sonra Qəzzə zolağının şimalında yerləşən Cəbaliya düşərgəsini bombalayıb və yeni qırğına əl atıblar.
Fələstin Səhiyyə Nazirliyi Cəbaliya düşərgəsinin bombalanması zamanı indiyədək (məlumat verilən ana qədər) 100 nəfərdən çoxunun şəhid olduğunu və 300-dən çox insanın yaralandığını bildirib.
Sionist rejimi bundan əvvəl də, ötən ay Qəzzədəki Əl-Məmədani xəstəxanasını bombalamaqla böyük faciəyə al atıb. Əşrəf əl-Qədrə bildirmişdi ki, Əl-Məmədani xəstəxanasının sionist qırıcıları tərəfindən bombalanması zamanı 1000-dən çox insan şəhid olmuş yaxud da yaralanmışdı.
HƏMAS hərəkatı bu qəddar hücumu şiddətli şəkildə pisləməklə yanaşı, vurğulayıb ki, belə cinayətlər sionistlərin vəhşi təbiətinin çox yaxşı göstəricisidir.
Qəzzə Fələstin Səhiyyə Nazirliyinin sözçüsü verdiyi müsahibədə deyib: Cəbaliyada baş verənlər İsrail tərəfindən törədilən mülki şəxslərin ilk qətliamı deyil. Öz məhdud imkanlarımızla yaralıları dağıntılar altından çıxarmağa və xilas etməyə çalışırıq.
Əl-Qədrə camaatın sıxlığına görə, daha çox insanın şəhid olması ehtimalının olduğunu bildirərək, əlavə edib: Şəhidlərin sayı Əl-Məmədani xəstəxanası faciəsindəki şəhidlərin sayı ilə bərabər ola bilər.
HƏMAS müqavimət hərəkatı şənbə günündən (7 Oktyabr) sionist rejiminə qarşı “Əqsa Fırtınası” əməliyyatlarına başlayıb. Sionistlər buna cavab olaraq ağır hava hücumları həyata keçirməyə başlayıb və Qəzzəyə qarşı tam mühsairə elan ediblər. Sionist rejiminin Qəzzədəki əməliyyatları indiyədək yüzlərlə uşaq və qadın da daxil olmaqla, 8 mindən çox insanın şəhid olması ilə nəticələnib. Sionist rejiminin hücumları ABŞ-ın hər tərəfli dəstəyi ilə müşayiət olunub.