Bu gün (çərşənbə axşamı) sübh saatlarında sionist rejimin qırıcı təyyarələri Beyrutun cənub bölgəsində yerləşən bir yaşayış binasını hədəf alaraq hücum həyata keçirib.
Sionist rejimin Livanın suverenliyinə qarşı növbəti təcavüzkar addımı və BMT-nin 1701 saylı qətnaməsi ilə atəşkəs razılaşmasının yeni bir pozuntusu olaraq, bu gün (çərşənbə axşamı) sübh saatlarında qırıcı təyyarələri Beyrutun cənub bölgəsinə hava hücumu həyata keçirib. Bu hücum Muəvvəz bölgəsində yerləşən bir yaşayış binasını hədəf alıb.
İsrail qırıcı təyyarələri heç bir əvvəlcədən xəbərdarlıq etmədən, 1 Aprel 2025 tarixində saat 03:30-da bir yaşayış binasının üst üç mərtəbəsini hədəf alıb. İlkin məlumatlara görə, bu hücum nəticəsində bir neçə nəfər şəhid olub və bir sıra mülki vətəndaş yaralanıb.
Livan Səhiyyə Nazirliyi verdiyi bəyanatda İsrail rejiminin Beyrutun cənub bölgəsinə həyata keçirdiyi hava hücumunun qeyri-rəsmi statistikaya görə 4 nəfərin şəhid olmasına və 7 nəfərin yaralanmasına səbəb olduğunu bildirib.
Sionist rejiminin təcavüzkar hücumu yaşayış binasına, xüsusilə də onun üst üç mərtəbəsinə ciddi ziyan vurub və iki mənzil demək olar ki, tamamilə dağılıb. Bundan əlavə, hücum nəticəsində ətrafdakı yaşayış binaları da zərər görüb. Binanın yaxınlığında və ətrafında park edilmiş çox sayda avtomobil məhv olub, həmçinin qonşu evlərin çoxunun şüşələri sınıb.
Livanlı vətəndaşlar Beyrutun ətrafında sionistlərin hücuma məruz qoyduğu binanın qarşısında toplaşaraq “Ölüm İsrailə” və “Ləbbeyk, ya Nəsrullah” şüarları səsləndiriblər.
Əlaqədar xəbərlər
