Livan Səhiyyə Nazirliyi dünən səhər saatlarına yaxın bir vaxtda, sionist rejiminin Beyrutun cənubunda yerləşən Zahiyəyə olan hava hücumunda indiyədək 3 nəfərin şəhid olduğunu və 74 nəfərin isə yaralandığını açıqlayıb.
Xarici KİV-in verdiyi məlumata görə, Livan Səhiyyə Nazirliyi verdiyi açıqlamada bildirib ki, sionist rejiminin Beyrutun cənubi Zahiyə bölgəsində yerləşən Hareh-Harik məntəqəsinə hava hücumu zamanı ikisi uşaq olmaqla, 3 nəfər şəhid olub və 74 nəfər isə yaralanıb. İtkin düşmüş insanların tapılması üçün səylər isə davam edir.
Bundan öncə Livanın Xarici İşlər naziri Abdullah Buhabib açıqlamalarında bildirmişdi ki, sionist rejiminin Beyrutun cənubi Zahiyə bölgəsinə olan hücumuna cavab olaraq bu rejimi BMT-nin Təhlükəsizlik Şurasına şikayət edəcəyik.
Xəbər mənbələri çərşənbə axşamı sionist rejiminin Beyrutun cənubi Zahiyə bölgəsinə havadan hücum etdiyini bildiriblər.
İsrail ordusu bu hücumda Hizbullah komandirlərindən birinin hədəfə alındığını iddia edib. Sionist ordusunun sözçüsü Daniel Həcəri iddia edib: Biz rəsmi olaraq Fuad Şükürün öldürüldüyünü təsdiqləyirik və biz Hizbullahın bu komandirini öldürdük.
Amma xəbər mənbələri Hizbullahın yüksək rütbəli komandiri “Fuad Şükür”ün sağ olduğunu açıqlayıblar.
Sionist hərbiçilərinin, müqavimət qüvvələrinin mümkün reaksiyasından qorxuya düşərək işğal altındakı torpaqların şimalındakı qüvvələrinin və təcili yardım maşınlarının hazır vəziyyətə gətirilməsini əmr ediblər.
Şənbə günü axşam saatlarında Suriyanın işğal olunmuş Colan təpələrindəki Məcdəl Şəms məntəqəsində partlayış baş verib. Nəticədə, 12 nəfər ölüb və bəziləri də yaralanıb. Bu partlayışın ardınca, sionist rejiminin media və rəsmiləri bu partlayışın səbəkarını Livan Hizbullahı olduğunu bildiriblər. Amma Hizbullah verdiyi bəyanatda bu partlayışla heç bir əlaqələrinin olmadığını bildirib.
Bəzi media mənbələri də Məcdəl Şəms məntəqəsindəki partlayışın səbəbinin sionist rejimi ordusunun özünün havadan müdafiə raketi olduğunu açıqlayıblar.
Əlaqədar xəbərlər
