Qəzzədəki Dövlət İnformasiya Ofisi sionist rejiminin ordusunun əş-Şifa xəstəxanası və onun ətraf məntəqələrinə olan hücumlarında 400 vətəndaşı şəhid etdiyini və 1050 evi dağıtdığını açıqlayıb.
Qəzzədəki Dövlət İnformasiya Ofisi bəyanat verərək sionist rejiminin əş-Şifa xəstəxanasındakı cinayətləri pisləyib. Bununla yanaşı bildirib ki, bu rejimin ordusu əş-Şifa xəstəxanası və onun ətraf məntəqələrinə olan hücumlarında yüzlərlə xəstə, qaçqın və tibb işçisini xəstəxananın daxilində və ətrafında həbs edərək, onlara işgəncə verib.
Bu bəyanatda qeyd edilib ki, bu rejimin ordusu 107 xəstəni hələ də qeyri-insani şəraitdə, su, qida, dərman və elektrik olmadan əş-Şifa xəstəxanasında mühasirə edib. Onlar arasında 30 nəfər iflic xəstə və təxminən 60 nəfər tibb işçisinin olduğu görünür. Sionist rejimi bu xəstələrin beynəlxalq təşkilatlar tərəfindən xəstəxanadan çıxarılmasına mane olur və bu hərəkəti ilə bir çoxlarının həyatını təhlükəyə atıb.
Qəzzədəki Dövlət İnformasiya Ofisi işğalçı rejimin əş-Şifa xəstəxanasına olan hücumunu şiddətli şəkildə pisləyib, onun hərbi və bəşəriyyət əleyhinə cinayət olduğunu bildirib.
Bu qrum ABŞ hökumətinin, beynəlxalq ictimaiyyətin, bəzi Avropa ölkələrinin və sionist rejiminin Qəzzədəki soyqrım və etnik təmizləyə dair tam məsuliyyət daşıdıqlarını bildirib. Həmçinin beynəlxalq qrumlardan, bütün Ərəb və İslam ölkələrindən, dünyanın azad insanlarından sükutu və dillə pisləməyi kənara qoymağı, bu cinayətlərin dayandırılması üçün real və ciddi addımlar atmalarını istəyib.