Xəbər mənbələri sionist rejimin Yəməndəki iki limana son hücumu zamanı şəhid olan və yaralananların sayının artdığını bildiriblər.
Xarici KİV-in Yəmən xəbər mənbələrinə istinadən verdiyi məlumata görə, sionist rejimin Yəmənin əl-Hudeydə vilayətinə olan son hava hücumunda şəhid və yaralıların sayının 12 nəfərə çatıb.
İsrail rejimi ötən gecə Yəmənin qərbində yerləşən əs-Səlif və əl-Hudeydə limanlarını hədəfə alıb.
Yəmən Səhiyyə Nazirliyi bundan əvvəl açıqlama verərək bildirmişdi ki, bu hücumun itkilərinin sayının artacağı gözlənilir.
İvrit dillində yayımlanan qəzetlərdən biri bir sionist rəsmiyə istinadən bildirib ki, İsrail ordusu Ənsarullah-ın İsrail hədəflərinə raket hücumlarını davam etdirməsindən sonra Yəməndəki limanları bombalayıb. Bu rəsmi qeyd edib ki, bu hücumların məqsədi Husi hərəkatının iqtisadiyyatına zərbə vurmaq və Ənsarullah-ın İsraili dəniz blokadasına almaq təhdidinə cavab olaraq onları mühasirəyə almaqdır.
Mənbənin sözlərinə görə, sionist rejimin hava qüvvələri Yəməndə, xüsusilə Husilərin nəzarətində olan limanlara qarşı hücumlarını davam etdirir.
Digər tərəfdən, İsrailin radio və televiziya təşkilatı da Yəmənə qarşı hava hücumlarının davam etdiyini təsdiqləyib.
Digər bir ivrit qəzeti isə İsrail hava qüvvələrinin indiyədək doqquzuncu dəfə Yəməndə Ənsarullah-a aid olduğu deyilən hədəfləri bombaladığını bildirib.