Bazar günü sionist rejimin Qəzzə zolağına endirdiyi hava hücumları açıq-aşkar atəşkəsin pozulması hesab olunur və azı 9 nəfərin şəhid olmasına səbəb olub.
Qəzzə Səhiyyə Nazirliyi sionist rejim ordusunun Qəzza zolağının şimalında yerləşən Beyt Lahiyə bölgəsinə hücumu nəticəsində azı 9 nəfərin şəhid olduğun, bir neçə nəfərin isə yaralandığını açıqlayıb.
Bu, Yanvar ayında atəşkəsin başlanmasından bəri Qəzzəyə qarşı həyata keçirilən ən ölümcül hücumdur.
Sionist rejim müxtəlif iddialarla atəşkəsi pozmaqda davam edir. O cümlədən, müqəddəs Ramazan ayında Qəzzə xalqına humanitar yardımların qarşısını almaq, pilotsuz uçuş aparatları və hava hücumları ilə bölgəyə hücum etmək kimi təcavüzkar addımlar atır.
İngiltərədə yerləşən bir xeyriyyə təşkilatı da açıqlama verərək bildirib ki, hücum nəticəsində həlak olanların demək olar ki, hamısı yardım işçiləri olub.
HƏMAS bu hücumları sionist rejimin atəşkəsi “açıq-aşkar pozması” kimi qiymətləndirib.