Bazar günü İsrail rejiminin Qəzzənin müxtəlif bölgələrinə hücumları nəticəsində 18 nəfər həyatını itirib, çoxlu sayda insan yaralanıb.
Qəzzədəki jurnalistlərdən biri Məhəmməd əl-Bəlbisi bildirib ki, bu gün (həftənin bazar günü) sionist rejimin döyüş təyyarələrinin əş-Şəaf məhəlləsində ən-Nəxil küçəsində vətəndaşların toplaşdığı bir yerə təşkil etdiyi hücumlarda 5 nəfər şəhid olub və onların cəsədləri əl-Məmədani xəstəxanasına çatdırılıb.
Bu hesabata görə, bazar ertəsi günü Cəbaliyanın şərqindəki əl-Qərn bölgəsi və Beyt Hanun da daxil olmaqla müxtəlif bölgələr İsrail rejiminin artilleriya hücumlarına məruz qalıb, helikopter və kvadrokopterlər də bəzi bölgələri atəşə tutub.
Jurnalistin verdiyi məlumata görə, Qəzzə zolağının cənub bölgələri İsrail döyüş təyyarələri tərəfindən hədəfə alınıb və Sofa bölgəsində mülki əhalinin toplaşdığı mərkəzə hücum zamanı 5 nəfər şəhid olub.
Bundan əlavə, səhər saatlarında Qəzzə zolağının mərkəzi bölgəsindəki Nəsirat qaçqın düşərgəsi ərazisində Dərviş ailəsinin evini hədəf alan hücumda iki nəfər şəhid olub.
