Livan Səhiyyə Nazirliyi yanında Təcili Əməliyyatlar Mərkəzi sionist rejimin Livanın cənubundakı bir sıra qəsəbələrə qarşı hava hücumunda 9 nəfərin şəhid olduğunu və digər 3 nəfərin isə yaralandığını açıqlayıb.
Livan Səhiyyə Nazirliyi yanında Təcili Əməliyyatlar Mərkəzi açıqlamasında bildirib: Düşmən İsrailin hava hücumlarının birində Həris qəsəbəsi hücuma məruz qalıb və nəticədə 5 nəfər öldürülüb və 2 nəfər yaralanıb.
Sionist rejimi Livanda atəşkəsi pozmağı davam edərək bazar ertəsi günü axşam Livanın cənubundakı bəzi bölgələrə hücum edib.
Bundan əvvəl İsrail mənbələri Tel-Əvivin Livanda silsiləvari hücumlar icra etmək üçün qərara gəldiyi barədə məlumat verib və bildiriblər ki, sionist hərbi rəsmiləri bu qərarla bağlı Amerikanı məlumatlandırıblar.
Xarici KİV-in verdiyi məlumata görə, ötən həftə sionist rejimin təhlükəsizlik kabineti səs çoxluğu ilə Livanla atəşkəs razılaşmasını təsdiqləyib. ABŞ prezidenti Co Bayden də bildirib ki, sionist rejimi və Livan israilli qüvvələrin 60 gün ərzində Livandan çıxması ilə bağlı Vaşinqtonun atəşkəs təklifi ilə razılaşıblar.
Bu layihəyə əsasən, Livan ordusu Livanın cənubuna nəzarəti ələ alacaq. Atəşkəsin bərqərar olmasına baxmayaraq, ötən çərşənbə günündən etibarən sionist rejimi atəşkəsi dəfələrlə pozub.