İsrail rejimi Livana qarşı son təcavüzündə ölkənin cənubundakı Tir şəhərində bir motosikleti hədəfə alaraq bir nəfərin həyatına son qoyub.
Livanın xəbər agentliyinin məlumatına görə, İsrailə məxsus pilotsuz uçan aparat Livanın cənubunda yerləşən Tir şəhərində bir motosikleti hədəfə alıb.
Bu gün İsrail hərbi pilotsuz təyyarəsi də Livanın cənubundakı Kunin bölgəsində bir avtomobili hədəfə alıb və nəticədə Livan vətəndaşı həyatını itirib.
Livanın Səhiyyə Nazirliyi hadisəni təsdiqləyən açıqlama yayaraq xilasetmə qruplarının hadisə yerinə gəldiyini, lakin hədəfə alınan şəxsi xilas etmək cəhdlərinin nəticəsiz qaldığını və onun öldüyünü açıqlayıb.
İsrail rejiminin bu hərəkəti son günlər Livanın cənubunda rejimin hava hücumları və sərhəd pozuntularının artdığı və münaqişənin yayılması ilə bağlı narahatlıqların artdığı bir vaxtda baş verib.
Əlaqədar xəbərlər
