Media mənbələri sionist rejimin Qəzzənin əl-Əqsa xəstəxanasındakı qaçqın çadırına qarşı törətdiyi cinayətdə şəhid olanların sayının 4-ə, yaralıların sayının isə 70-ə çatdığını bildiriblər.
Fələstin mənbələrinin verdiyi məlumata əsasən, sionist rejimin qaçqın düşərgələrinə qarşı həyata keçirdiyi hücumlarda şəhid olanların sayı 4 nəfərə və yaralıların sayı isə 70 nəfərə çatıb.
Sionist rejiminin qırıcıları bugün (bazar ertəsi) səhər saatlarında Qəzzənin mərkəzindəki xəstəxananın yaxınlığında olan fələstinli qaçqınların məskunlaşdığı çadırları bombalayıblar.
Bu hücumda 30 çadır yanıb və yanğının şiddəti elə bir həddə olub ki, alov çadırların yerləşdiyi əl-Əqsa Şəhidləri xəstəxanasına çatıb.
Sionist rejimi səhər saatlarında digər bir cinayət törədərək, Qəzzə zolağının mərkəzində yerləşən ən-Nəsirat düşərgəsindəki fələstinli qaçqınların məskunlaşdığı bir məktəbə artilleriya hücumları həyata keçirib. Bu hücumlarda azı 20 fələstinli şəhid olub və bəziləri isə yaralanıb.