Sionist rejimi hərbiçiləri İordan çayının qərb sahillərində yerləşən Cenin şəhərinə və düşərgəsinə ardıcıl olaraq ikinci gündə hücumlar həyata keçririb və müqavimət qüvvələrinin müqaviməti ilə üzləşiblər. Bu hücumlar nəticəsində 10 fələstinli şəhid olub və 100-dən çox insan isə yaralanıb.
Verilən məlumata əsasən, işğalçı ordunun Cenin şəhərinə və düşərgəsinə qarşı təcavüzlərinin davam etməsi nəticəsində 10 fələstinli şəhid olub və 100-dən çox digər insan isə yaralanıb.
Sionist hərbiçilər İordan çayının qərb sahillərində yerləşən kənd və şəhərlərə olan hücumları zamanı bir sıra Fələstin vətəndaşını həbs ediblər.
Fələstin mənbələri bugün səhər saatlarında Fələstin müqavimət qüvvələri və gənclərinin sionist hərbiçilərin Cenin şəhərinə olan hücumları ilə mübarizə apardıqları barədə məlumat veriblər.
Cenin batalyonundan bildiriblər ki, “Siccil” adlı idarəedilən bombanın işğalçı ordunun hərbi maşınlarından birinin yolunda partladılması işğalçı hərbiçilərin yaralanması ilə nəticələnib.