Sionist rejiminə aid qırıcı təyyarələrin Qəzzənin mərkəzndə yerləşən BMT-nin Fələstinli Qaçqınlara Yardım və İşlər üzrə Agentliyinə (UNRWA) aid məktəbə hücumlarında ölən və yaralananların sayı 97 nəfərə çatıb.
Verilən məlumata əsasən, sionist rejimi Qəzzə zolağının cənubunda yerləşən Xan Yunisdəki əl-Məvasi bölgəsində 100-dən çox fələstinli qaçqının ölümü ilə nəticələnən cinayətindən bir gün sonra, yəni həftənin bazar günü də növbəti cinayət törədib. Belə ki, Qəzzə zolağının mərkəzndə yerləşən Nasirat düşərgəsindəki UNRWA-ya aid məktəblərdən biri olan “Əbu Əriban” məktəbini bombalamaqla, oraya sığınan onlarla fələstinli qaçqını şəhid edib və yaralayıb.
Sionist rejiminə aid qırıcılar bu məktəbi bombalamaqla 13 fələstinlini şəhid edib və 70 nəfəri yaralayıb. Şəhid olan və yaralananların sayının artması istisna olunmayıb.
Bu hücumdan bir neçə saat keçdikdən sonra fələstinli mənbələr sionist rejiminin Nasirat düşərgəsindəki “Əbu Əriban” məktəbindəki qətliamında şəhid olanların sayının 17-yə, yaralıların sayının isə 80 nəfərə çatdığı barədə məlumat veriblər.
Əlaqədar xəbərlər
