İranın kəşfiyyat xidməti sionist rejimdən çoxlu strateji və həssas məlumat və sənədlər, o cümlədən nüvə layihə və obyektləri ilə bağlı minlərlə sənəd əldə edib və onları işğal olunmuş ərazilərdən çıxarıb.
Məlumatlı mənbələrin sözlərinə görə, qeyd olunan sənədlərin əldə olunma əməliyyatının bir müddət əvvəl həyata keçirilməsinə baxmayaraq, sənədlərin çoxluğu və onların hamısının təhlükəsiz şəkildə ölkə daxilinə nəql olunmasının vacibliyi, bütün sənədlərin nəzərdə tutulan mühafizə olunan yerlərə çatması təmin olunana qədər xəbər sükutunə səbəb olub.
Bununla əlaqədar olaraq, sionist rejimin Daxili Təhlükəsizlik Təşkilatı (Şin Bet) və polisi 19 gün əvvəl verdiyi bəyanatda işğal olunmuş ərazilərin (Hayfa) şimalındakı “Nəşr” şəhərindən olan 24 yaşlı “Roy Mizrahi” və “Elmoq Atias”ın İranla əməkdaşlıq ittihamı ilə həbs olunduğunu açıqlayıb.
Bu şəxslərin həbsi son günlərdə baş vermiş sənəd sızması ilə əlaqəli olarsa, deməli onların tutulması sənədlərin işğal olunmuş ərazilərdən çıxarılmasından sonra baş verib.
Bu mənbələr İran Yayım Korporasiyasına deyiblər: “Sənədlərin sayı o qədər çoxdur ki, onların sadəcə araşdırılması, şəkil və videoların izlənməsi xeyli vaxt aparıb”.
Bu böyük kəşfiyyat nailiyyəti haqqında daha çox məlumat əldə etmək üçün təqiblər davam edir.
Əlaqədar xəbərlər
