Sionist rejimi növbəti cinayətində Qəzzə zolağının cənubundakı fələstinlilərin çadırına hücum etməklə, onları diri-diri odda yandırıb. Beləki, indiyə qədər bir neçə uşaq da daxil olmaqla, 23 nəfər şəhid olub.
İşğalçı İsrail ordusu çərşənbə günü axşam Qəzzə zolağının cənubunda yerləşən Xan Yunisin qərbindəki əl-Məvasi məntəqəsində yeni bir cinayət törədib. İşğalçılar qaçqınların sığınacağı olan çadırı dronla hədəfə alıblar. Bu da, uşaqlar da daxil olmaqla, azı 23 nəfərin şəhid olması və onlarla insanın isə müxtəlif dərəcəli xəsarət alması ilə nəticələnib.
Yerli mənbələr şəhidlərin cənazələrinin Nasir xəstəxanasına aparıldığını və birbaşa həyata keçirilən hücumdan sonra qaçqın çadırlarının yandırılması səbəbilə cəsədlərin ağır şəkildə yandığını bildiriblər.
Dərc olunan görüntülərə əsasən, “Əhməd Zuheyr Əbur-Rəvs” adlı fələstinli əlil uşaq işğalçı ordunun Xan Yunisdə yerləşən əl-Məvasi məntəqəsində qaçqın çadırına qəddarcasına hücumunda diri-diri yanıb və minlərlə fələstinli şəhid uşaqların sırasına qoşulub.
Həyatını itirən digər uşaqlar
Bundan öncə də, çərşənbə günü boyunca sionistlərin hücumları nəticəsində 25 fələstinli şəhid olub və 89 nəfər isə yaralanıb. Bununla da, 7 Oktyabr 2023-cü il tarixindən etibarən müharibə qurbanlarının ümumi sayının 51025 şəhid və 116432 yaralı olduğu bildirilir.
İsrail rejiminin ordusu dünən Qəzzə zolağının mərkəzinə qarşı hərbi hücumlarını genişləndirib və Qəzzənin şərqindəki bir sıra yaşayış mənzilini partladıb. Həmçinin Qəzzə zolağının şimalında yerləşən Cəbaliyadakı Fatimə binti Əsəd məktəbində məskunlaşan qaçqınlara, bombalanması üçün binanı tərk etmələri ilə bağlı xəbərdarlıq edib.
Fələstinlilərin şəhidlərlə vidalaşması
Fələstinli qaçqınların çadırının yanğından sonrakı vəziyyəti
