Sionist rejimin müharibə ordusu bu səhər Hərbi Dəniz Qüvvələrinə məxsus raket gəmilərinin Yəmənin qərbində Ənsarullah qüvvələrinin nəzarətində olan Hodeyda limanındakı “terror hədəflərinə” zərbələr endirdiyini təsdiqləyib. Hücumların İranın dəstəklədiyi Ənsarullah müqavimət qüvvələrinin son günlər sionist rejimə qarşı həyata keçirdiyi raket və PUA hücumlarına cavab olaraq həyata keçirildiyi bildirilib.
Zərbələrdən sonra sionist rejimin müdafiə naziri İsrail Kats belə bəyanat verib: “Əgər Ənsarullah təşkilatı Sionist rejime atəş açmaqda davam edərsə, sərt cavab və dəniz-hava blokadası ilə üzləşəcəyini xəbərdarlıq etmişdik. Bu gün bunu etdik və gələcəkdə də davam etdirəcəyik.”