Sionist qüvvələr əməliyyat keçirmək bəhanəsi ilə iki fələstinli məhbusun evini partladıb.
Bu gün (çərşənbə axşamı) sionist rejim qüvvələri İordan çayının qərb sahilində Cənin şəhəri yaxınlığındakı “Əs-Silətul-Harisiyyə” bölgəsində “Məhəmməd Cəradat” və “Qeys Cəradat” adlı iki fələstinli məhbusun evini partladıblar.
“Ərəb 48” xəbər saytının məlumatına görə, işğalçı İsrail qüvvələri qəfildən bölgəyə daxil olaraq iki fələstinli məhbusun evlini 9 saatdan çox mühasirəyə alaraq fələstinli gənclərin işğalçı qüvvələrlə toqquşmasına səbəb olub.
Toqquşma nəticəsində bir neçə gənc xəsarət alıb, bir neçə nəfər isə tənəffüs çatışmazlığına düçar olub. Tel-Əviv qüvvələri eyni zamanda çoxlu sayda Fələstin vətəndaşını həbs edib.
İsrail ordusu qısa bir açıqlamada deyib: Ordu və sərhədçilər dünən gecə “Əs-Silətul-Harisiyyə” bölgəsində “Məhəmməd Cəradat” və “Qeys Cəradat” adlı iki fələstinli məhbusun evini dağıdıblar.
Tel-Əviv əməliyyata haqq qazandırmaq üçün iddia edib ki, Məhəmməd və Qeys Cəradat ötən dekabr ayında Humeş kəsişməsi yaxınlığında odlu silahla sionist rejim vətəndaşını öldürüblər.
“Ərəb 48” əməliyyat zamanı onlarla gənc fələstinlinin İsrail qüvvələri ilə toqquşduğunu və Tel-Əviv qüvvələrinin onları dağıtmaq üçün atəş açdığını əlavə edib. Həmçinin, işğalçı İsrail qüvvələrinin qəfil əraziyə daxil olması nəticəsində altı fələstinlinin yaralandığı, bildirilib.
Sionistlər əraziyə daxil olduqdan sonra bir qrup silahlı şəxs sionist rejim qüvvələrini atəşə tutub.
Qarşıdurmalardan sonra Fələstin İslami Cihad Hərəkatının hərbi qanadı olan Sərayəl-Qüdsün Cənin Batalyonu verdiyi açıqlamada hücumun məsuliyyətini üzərinə götürərək, bir qrup hərbiçinin İsrail qüvvələri ilə qarşıdurma yaşadığını bildirib.
Son zamanlar sionist rejim qanunsuz şəhərsalma prosesini genişləndiriyindən və Qüdsdəki müqəddəs məkanlara, xüsusən də Məscidül-Əqsaya qarşı təhqiramiz davranışları artırdığından fələstinli fədailərin İordan çayının qərb sahilində və işğal olunmuş Qüdsdə sionistlərə qarşı əməliyyatları artıb.
Sionist rejim fələstinli fədailərin növbəti əməliyyatlarından ehtiyat edərək, işğal olunmuş Fələstin ərazisinin müxtəlif bölgələrində öz qüvvələrinin sayını artırıb və ciddi təhlükəsizlik tədbirləri görüb.
Sionist rejim fələstinli məhbusların evinə də rəhm etmədi – Video
