Sionist rejiminə aid qırıcıların Qəzzənin cənubundakı Xan Yunisdəki müxtəlif bölgələrə hücumu zamanı, dünən səhər (çərşənbə günü) 19 nəfər mülki vətəndaş şəhid olub və onlarla digər insan isə yaralanıb.
Bu məlumata əsasən, Fələstin xəbər agentliklərindən biri, Qəzzə xəstəxana resurslarına istinadən 4 şəhid və bir sıra yaralının Nasir xəstənaxasına köçürüldüyü haqda məlumat verib. Aralarında 2 uşaq olan bu insanlar sionist rejiminə aid qırıcıların Xan Yunisin cənubundakı Qizan ən-Nəccar məntəqəsinə hücumunda şəhid olub ya da yaralanıblar.
Həmçinin işğalçı rejimə aid qırıcıların Xan Yunis düşərgəsindəki Əl-Amudinin ailəsinin evinə hücumunda 2 uşaq şəhid olub və digər 7 nəfər isə yaralanıb.
Xan Yunisin qərbində yerləşən Həyyul-Əməl məntəqəsindəki Miqdadın ailəsinin evinə olan digər bir hava hücumunda bir neçəsi uşaq olan 9 vətəndaş şəhid olub.
İşğalçı rejimin qırıcılarının Xan Yunis düşərgəsindəki Amirin ailəsinin evinə olan hücumunda da 2 nəfər şəhid olub, bəziləri də yaralanıb və onların hamısı Nasir xəstəxanasına aparılıb.
Hava hücumları ilə eyni zamanda işğalçı rejimin artilleriyası da Xan Yunisin şərq və mərkəzi bölgələrini atəşə tutub.
İşğalçı rejimin Dir əl-Bələhdəki Fətairin ailəsinə məxsus evə qarşı hava hücumu zamanı da 2 uşaq şəhid olub və bir neçə nəfər yaralanıb. Onların hamısı Əl-Əqsa Şəhidləri Xəstəxanasına aparılıblar.
İşğalçı rejimin artilleriyaları da Qəzzənin mərkəzindəki bir neçə məntəqəni, Ət-Tuffah və Əd-Dərc məhəllələrini atəşə tutublar.