Sionist rejimi Qəzzə zolağına qarşı cinayətkar hücumlarını davam etdirərək, daha bir neçə fələstinli mülki şəxsi şəhid edib.
Xarici KİV-in verdiyi məlumatına görə, Qəzzə şəhərinin şərqində yerləşən ət-Tuffah məhəlləsində bir yaşayış evinin bombalanması nəticəsində 5 mülki şəxs, o cümlədən 4 uşaq şəhid olub. Bu hücum nəticəsində bir neçə mülki şəxs də yaralanıb.
Qəzzə zolağının şimalında yerləşən Cəbaliyədə bir yaşayış evinin bombalanması isə bir fələstinlinin şəhid olmasına və bir neçə nəfərin yaralanmasına səbəb olub.
Sionist rejimin qırıcıları şənbə günü səhər saatlarında Qəzzənin şimalında yerləşən Beyt Lahiyə və cənubunda yerləşən Rəfah şəhərlərini də bombalayıb.
Xəbər agentliklərinədn birinin Məhəmməd əl-Ləbləbisi adlı müxbiri cümə günü Qəzzə zolağının son vəziyyəti ilə bağlı ən son hesabatında bildirib: Sionist rejimin Qəzzə zolağına qarşı yeni təcavüzkar hücumlarının dördüncü günündə sionist hərbi qüvvələri Rəfah bölgəsinə hücumlarını genişləndirərək eyni zamanda Qəzzanın müxtəlif yerlərini bombalayıb.
Cümə axşamı 100 fələstinlinin şəhid olması ilə bu hücumlar nəticəsində ümumi şəhid sayı 591-ə, yaralıların ümumi sayı isə 1042-yə çatıb.
Əlaqədar xəbərlər
