Sionist qırıcılarının Qəzzə zolağının mərkəzində yerləşən əl-Bəric düşərgəsinə hücumlarının ardınca, 20 nəfərdən çox insan şəhid olub.
Xarici KİV-in Şəhər Müdafiəsinin sözçüsünə istinadən verdiyi məlumata görə, bu hücumlar zamanı düşərgə sakinlərindən bir çoxu itkin düşüb.
Fələstinli mənbələr də 22 nəfərin şəhid olması barədə məlumat veriblər. Bu hücumda bir yaşayış məhəlləsi tamamilə hədəfə alınıb.
Bundan öncə sionist rejimi qüvvələri bir neçə dəfə Cəbaliya düşərgəsini bombalamışdılar. Bunun ardınca da, onlarla insan şəhid olmuş və yaralanmışdı. Cəbaliya Qəzzə qaçqınlarının ən böyük düşərgəsi sayılır.
Bu hücumların ardınca, 100-dən çox insan şəhid olub və yaralıların sayının isə 300 nəfər olduğu bildirilib. Cəbaliya qaçqın düşərgəsindəki partlayış son həftələrdə fələstin xalqına qarşı sionist rejiminin ən pis hücumlarından biri olduğu qeyd olunub.
Fələstin Daxili İşlər Nazirliyi verdiyi hesabatda bildirib ki, sionist rejiminin hücumunun təsiri nəticəsində Qəzzənin şimalındakı Cəbaliya qaçqın düşərgəsi tamamilə dağıdılıb. Sionist rejiminin müdafiə Nazirliyinin sözçüsü “Daniel Haqari” də bu düşərgəyə olan hücumu təsdiq edib.
Sionist rejimi ordusunun sözçüsü bundan əvvəl rejimin vəhşicəsinə hücumlarında qurban edilən dinc əhalinin ölümünə “haqq” qazandırmış və demişdi: Bu, müharibə faicəsidir. Bununla yanaşı biz onlara demişdik ki, Qəzzənin cənubuna tərəf hərəkət etsinlər.
BMT-nin Fələstinli Qaçqınlara Yardım və İşlər üzrə Agentliyinin sözlərinə görə, cari ilə qədər təxminən 116 min 11 nəfər sığınacaq axtaran fələstinli bu düşərgədə məskunlaşıb. Hal-hazırda bu hadisədən sağ çıxanlar düşərgənin dağıntıları altında qalan digər insanları çıxarmağa və xilas etməyə çalışırlar.