“Haaretz” qəzetinin redaksiya heyəti sionist rejimin müharibə ordusunun Qəzzada həyata keçirdiyi hava hücumlarında fələstinli mülki şəxslərin kütləvi şəkildə həlak olmasına göstərdiyi “cinayət səviyyəsində laqeydliyi” sərt şəkildə tənqid edib. Məqalədə mülki itkilərin sistematik xarakter daşıdığı, cavabdehliyə isə ya ümumiyyətlə yanaşılmadığı, ya da uzun müddət inkar edildiyi bildirilir.
Redaksiyanın yazısında vurğulanır ki, Qəzzada 35 mindən çox insan öldürülüb və onların əksəriyyətini qadınlar və uşaqlar təşkil edir. Qəzet qeyd edir ki, sionist rejimin təqdim etdiyi “izahlar, bəhanələr və təkziblər bu həqiqəti gizlədə bilməz.”
Məqalədə 14 may tarixində Nuseyrat düşərgəsinə edilən hava hücumuna xüsusi diqqət ayrılır. Həmin hücum zamanı Əl-Nəccar ailəsinin 27 üzvü şəhid olub. Sionist rejimin ordusu əvvəlcə bu hücumla əlaqəsini inkar etsə də, yalnız “Haaretz”in araşdırmasından sonra məsuliyyəti etiraf edib və buna baxmayaraq mülki itkilərlə bağlı heç bir izahat verməyib.
Qəzet bu faktın ümumi bir modelin nümunəsi olduğunu yazır: yəni hücumlar gecikmiş etiraflar, qeyri-müəyyən bəyanatlar və ictimai məsuliyyətsizliklə müşayiət olunur.
“Haaretz” İsrail rəhbərliyinin mənəvi prinsiplərini sorğulayaraq bildirir ki, cəmiyyət və media mülki ölümü normallaşdırıb: “sanki ailələrin yuxuda qətlə yetirilməsi qaçınılmaz bir səhvdir, sistematik qəddarlıq və ya səhlənkarlığın nəticəsi deyil.”
Əlaqədar xəbərlər
