Sionist hərbiçilərinin İordan çayının qərb sahillərində yerləşən Tülkərmdəki Nuru Şəms düşərgəsinə hücumu və hücum nəticəsində yaranan şiddətli toqquşma zamanı, həftənin çərşənbə axşamı günü bir gənc şəhid olub və digər bir nəfər isə yaralanıb.
Xarici KİV-in yerli mənbələrə istinadən verdiyi məlumata görə, sionist hərbiçilərinin Tülkərmin şərqində yerləşən Nuru Şəms düşərgəsinə hücumları zamanı 21 yaşlı fələstinli gənc “Xalid Əbu Hərb” baş nahiyəsindən hədəf alınaraq şəhid olub və digər bir nəfər də yaralanıb.
Yerli mənbələr bildiriblər ki, bu hücumun ardınca, Tülkərmdəki Nuru Şəms düşərgəsində müqavimət döyüşçüləri və sionist hərbiçiləri arasında şiddətli silahlı toqquşma baş verib.
Bu mənbələrin sözlərinə görə, müqavimətçilər işğalçı rejimin ordusunun düşərgəni dağıtmaqda olan buldozerini ev şəraitində hazırlanmış çox güclü bomba ilə hədəfə alıblar.
Şiddətli toqquşmaların ardınca, işğalçı hərbiçilər öz hərbi avadanlıqlarını bu düşərgəyə yollayıblar.
Qüds batalyonunun Tülkərm qolu da bildirib: Bizim döyüşçülərimiz çoxlu güllə və ev şəraitində hazırlanmış bombalar atmaqla sionist hərbiçiləri, avadanlıqları və texnikaları qarşısında dayanıblar.
Yerli mənbələrin sözlərinə görə, bu hücumda Nuru Şəms düşərgəsinin böyük bir hissəsinin işıqları sönüb.