İşğalçı hərbiçilərin Qəzzə zolağının cənubundakı ən böyük tibb və müalicə mərkəzi olan Xan Yunisdə yerləşən Nasir xəstəxanasının reanimasiya şöbəsinə hücum edib, oranı işğal ediblər.
Xarici KİV-in verdiyi məlumata görə, işğalçı İsrail hərbiçiləri Xan Yunisdəki Nasir xəstəxanasının reanimasiya şöbəsinə hücum edib, oranı işğal ediblər.
Nasir xəstəxanasında mühasirəyə düşmüş bir həkim verdiyi müsahibədə bu xəstəxanadakı xəstələrin çoxunun dərman və tibbi xidmətlərə əllərinin çatmadığını vurğulayıb
O, İsrail hərbiçilərinin reanimasiya şöbəsində olduğunu, həkimlərin və tibb işçilərinin bu şöbəyə gedə bilmədiklərini və bu şöbədə olan bütün xəstələrin şəhid olma ehtimallarının olduğunu bildirib.
İndiyədək (şənbə günü) bu xəstəxanada yatızdırılan xəstələrdən azı 5 nəfər oksigen cihazının olmaması səbəbi ilə həyatını itirərək şəhid olub.
Bundan öncə Nasir xəstəxanasının direktoru dr. Nahid Əbu Teyma da israilli əsgərlərin hücumları başladıqdan sonra bu xəstəxananın vəziyyətini dəhşətli təsvir etmişdi.
İsrail ordusu cümə axşamı günü (15 Fevral) HƏMAS üzvlərini tapmaq bəhanəsi ilə Nasir xəstəxanasına qarşı hücuma başlayıb. Bu, sionist rejiminin bu bəhanəyə əl atmaqla beynəlxalq qanunlara zidd olaraq Qəzzə xəstəxanalarına qarşı hücum etməsinə səbəb olan cinayətkar addımdır.