İşğalçı sionist rejiminin qüvvələri İordaniyanın qərb sahillərinə hücumlarını və fələstinli fəalların həbsini hələ də davam etdirirlər.
Müxbirlərdən biri ötən cümə axşamı günü məlumat verərək bildirib: Sionistlərin İordaniyanın qərb sahillərinə olan bugünkü hücumu fələstinli gənclərlə qarşıdurmaya səbəb olub və nəticədə 16 yaşlı fələstinli bir yeniyetmə şəhid olub.
Bu fələstinli yeniyetmə Ramullah şəhərində yerləşən Sədr məntəqəsində işğalçı sionist rejimi qüvvələrinin atəşinə tuş gəlib.
Müxbir əlavə edib: İşğalçı hərbiçilərin Ramullah şəhərinə hücumu 4 saat çəkib. Bu hücumun məqsədi dr. Əysər əl-Burğutinin evini partlatmaq üçün zəmin yaradılması idi, hansı ki, o, işğalçıların iddialarına görə, Ramullah və Nablus şəhərlərini bir-birinə birləşdirən əsas küçəndə hərbi əməliyyat həyata keçirib.
O, həmçinin deyib: İşğalçı hərbiçilər Nablus şəhərinə və Beyti Surik qəsəbəsinə hücum zamanı da bəzi fələstinliləri həbs ediblər. Sionist hərbiçilərinin bu məntəqələri tərk etdikləri vaxt toqquşmalar baş verib ki, bu da fələstinli bir gəncin ağır şəkildə yaralanması ilə nəticələnib.