Sionist rejiminin hərbiçiləri ötən gecə Ərabə qəsəbəsi sakinlərindən birini nəzarət-keçid məntəqəsində həbs ediblər. Onlar həmçinin İordan çayının qərb sahillərinin şimalında yerləşən Cenin şəhərinin kənd və qəsəbələrinə hücum ediblər.
Bölgədəki şahidlərin sözlərinə görə, işğalçı rejimin hərbiçiləri Cenin şəhərinin cənubundakı Ərabə qəsəbəsindən olan Əbdül Malik Əbu Saleh adlı bir gənci “Dutan” nəzarət məntəqəsindən keçərkən həbs ediblər.
Şahidlər həmçinin bildiriblər ki, sionist rejiminin hərbiçiləri Cenin şəhərinin cənubunda yerləşən Məsliyə, Ərabə, Mərkə, Fəhmə kənd və qəsəbələrinə və şəhərin şimal-şərqində yerləşən Cəlbun, Fəquə, Beyt Qad və Ərbunə kəndlərinə hücum edərək bu bölgədə geniş yoxlamalar aparıblar. Həmçinin əhalini qəzəbləndiməkdən ötrü maşınlarını bölgədəki küçə və məhəllələrdə sürüblər.
Sionist rejiminin hərbiçiləri beynəlxalq dairələrin sükutundan istifadə edərək hər gün Fələstinin şəhər, qəsəbə və kəndlərinə hücum etməklə, onlarla mülki şəxsi öldürür yaxud həbs edirlər.