Sionist hərbiçilərinin bu gün səhər (bazar ertəsi günü) saatlarında İordan çayının qərb sahillərində yerləşən Yerihodakı “Əqəbəye Cəbr” düşərgəsinə hücumu zamanı 1 nəfər fələstinli şəhid olub və digər 2 nəfər fələstinli yaralanıb.
Xarici KİV-in verdiyi məlumata görə, Fələstin Səhiyyə Nazirliyi, Yerihodakı “Əqəbəye Cəbr” düşərgəsində “Muhəmməd Fayez Bəlhan”-ın (15 yaşlı) sionist rejimi hərbiçilərinin gülləsi ilə şəhadətə çatması xəbərini verib.
Fələstin Səhiyyə Nazirliyi bildirib ki, digər 2 nəfər fələstinli yaralanıb və müalicə üçün Yeriho Dövlət Xəstəxanasına aparılıb.
Eyni zamanda, işğalçı ordu bu fələstinli uşağın şəhadətini təsdiqləməklə iddia edib ki, o, israilli qüvvələrə tərəf daş atıb.
Yerli mənbələr bildiriblər ki, çox sayda İsrailin ordu qüvvələri bu düşərgəyə hücum edib və bir evi mühasirə ediblər. Həmçinin bildiriblər ki, israilli qüvvələr düşərgənin girişini bağlayıblar, evlərin damlarında snayperçiləri yerləşdiriblər.
İbrani saytlarından biri də bu düşərgədə İsrail ordusu qüvvələri və fələstinli silahlı döyüşçülər arasında silahlı atışmanın olması barədə xəbər verib.
İbrani mənbələr, bu addımın İordaniyanın İğvar əməliyyatçısı ilə heç bir əlaqəsinin olmamasını iddia edərək deyiblər ki, ordunun bu düşərgəyə hücumunun məqsədi, yaxın gələcəkdə bir əməliyyatın başlaması üçün proqram hazırlayan bir bölmənin həbs olunmasıdır.