Sionist hərbiçilərin İordaniyanın qərb sahillərində yerləşən “Salim” hərbi yoxlanış məntəqəsi yaxınlığında açdıqları atəş nəticəsində 2 fələstinli gənc şəhid olub.
Xarici KİV-in verdiyi məlumata görə, şənbə günü səhər saatlarında sionist rejiminin işğalçı qüvvələrinin İordaniyanın qərb sahillərində yerləşən Ceninin qərbindəki Salim hərbi yoxlanış məntəqəsi yaxınlığında açdıqları atəş nəticəsində Fələstin Müqavimət Qüvvələrinin iki üzvü şəhid olub.
Bu məlumata əsasən, işğalçı qüvvələr Cenin şəhərinin qərbində yerləşən Rəmane kəsişməsi yaxınlığındakı Salim keçid məntəqəsinə yaxın bir yerdə bir qrup gəncə tərəf atəş açıblar. Bu da, iki nəfər fələstinli gəncin şəhadəti ilə nəticələnib.
Yerli mənbələr bu iki fələstinli gəncin Ceninin qərbindəki Kəfrdan qəsəbə sakini 22 yaşlı Mustafa Sultan Abid və əs-Səylətul-Harisiyyə qəsəbə sakini 21 yaşlı Əhməd Məhəmməd Şəvahinə olduğunu bildiriblər.
Bu mənbələr işğalçı qüvvələrin bu iki fələstinli gəncə yardım üçün təcili maşınların gəlməsinin qarşısını aldıqlarını bilidiriblər.