Həftənin cümə günü İordan çayının qərb sahillərinin bir neçə bölgəsində qəsəbə salma əleyhinə yürüşlər zamanı işğalçı rejim qüvvələri və sionist köçkünləri ilə toqquşmada onlarla fələstinli yaralanıb.
Xarici KİV-in verdiyi məlumata görə, cümə günü Nablusun cənubundakı Bita şəhərciyindəki Cəbəl Səbihdə işğalçı qüvvələr və fələstinli gənclər arasında toqquşma baş verib. Gənclər Cəbəl Səbih ərazisində inşa olunmuş qəsəbələrin mərkəzinə yaxın yerdə təkərlər yandırıblar.
Onlarla vətəndaş cümə namazını Cəbəl Səbihə yaxın bir yerdə qılıb, ondan sonra müsəlman şəhidləri üçün qeyb namazı qılıblar və sionist rejiminin onların bölgəsində qəsəbə salmalarına qarşı olduqlarını vurğulayıblar.
Həmçinin Nablusun cənubundakı Qəryut kəndində də toqquşmalar baş verib. Onlarla köçkün şəhərin cənbundakı Qəryut bulağına hücum edib. İşğalçı hərbiçilər Fələstin vətəndaşlarına və onların mənzillərinə tərəf qaz bombaları atıblar. Nəticədə, bir neçə nəfər boğulub.
Onlarla köçkün işğalçı qüvvələrin himayəsi altında şəhərin evlərinin yaxınlığındakı Qəryut bulağına hücum ediblər. Onlar cümə namazından öncə burada təxribat xarakterli rəqs ediblər və nəticədə, qarşıdurmalar başlayıb.
Toqquşmalar, namazdan sonra fasiləsiz olaraq yürüşün başlamasından sonra Əzəm məscidinin qarşısından Beyti Dəcn kəndinə müsadirə olunmaqla təhdid olunan torpaqlara tərəf uzanıb.
İşğalçı əsgərlər jurnalistlərə, o cümlədən Beyti Dəcn yürüşünü işıqlandırmaqda olan Muhəmməd Əbu Sabitə hücum ediblər.
İşğalçı qüvvələr Nablus şəhərinin şimalında köçkünlərin Tərsilə əl-Muxlah şəhərciyindəki geniş iştirakı ilə Ərabə məntəqəsinin yol kəsişməsinə qədər Cenin-Nablus küçəsi boyunca yerləşiblər.
Sionist rejimi ordusunun partulları Cəbə şəhərinin dörd yol ayırıcında və snayperçilər evlərin damlarında yerləşiblər. Həmçinin ordu Əce məntəqəsinin meydanına yaxın yerdə olub.
Həmçinin Qəlqliyyədəki aqressiv toqquşma illərlə bağlı qalmış kəndin yollarının açılması və sionist rejimi zindanlarında aclıq aksiyası keçirən məhbuslara dəstək üçün keçirilən həftəlik yürüşlərdən sonra Qəlqliyyənin şərqindəki Kəfərdum yürüşünün işğalçı qüvvələr tərəfindən yatırılması zamanı başlayıb.
İordan çayının qərb sahillərinini bir neçə bölgəsi hər həftə cümə günü sionist rejiminin qəsəbə salmasına qarşı keçirilən həftəlik yürüşlərə səhnə olur. Bu yürüşlərin çoxu işğalçı qüvvələrlə toqquşma ilə sonlanır. Bu qüvvələr nümayişçilərin dağıdılması üçün həqiqi və plastik güllələrdən, qaz və səs bombalarından istifadə edirlər.