Fələstin mediyaları sionist hərbiçilərinin açdıqları atəş nəticəsində 2 nəfər fələstinli gəncin şəhid olması barədə xəbər veriblər.
Xarici KİV-in verdiyi məlumata görə, dünən (cümə axşamı günü) səhər saatlarında sionist rejiminin Nablus şəhərinə davamlı təcavüzləri zamanı fələstinli bir gənc şəhid olub.
Nablusun Ən-Nəcah xəstəxanasının müalicə resursları Əl-Eyn düşərgəsindən olan “Xəlil Yəhya əl-Ənis” adlı bu gəncin sionist hərbiçiləri tərəfindən şəhid edilməsi haqda məlumat veriblər.
Eyni zamanda başqa bir fələstinli gəncin də şəhid olması barədə xəbər verilib. Verilən məlumata görə, Faris Həşşaş adlı fələstinli bir gənc işğalçı qüvvələrin açdıqları atəş nəticəsində, İordan çayının qərb sahillərində yerləşən Nablusun Bəlate düşərgəsində şəhid olub.
Nablusdakı Qırmızı Aypara Yardım Mərkəzinin rəhbəri “Əhmər Cəbrail” deyib: Baş və ayaq nahiyəsindən güllə yarası alan digər 2 fələstinli gənc xəstəxanaya aparılıb. Onlardan birinin vəziyyəti ağırdır.
O, əlavə olaraq deyib: Başqa bir gənc də işğalçl qüvvələr tərəfindən maşınla vurulması nəticəsində yaralanıb və 170 nəfər isə göz yaşardıcı qazın buruna getməsi nəticəsində zərər çəkib.
Sionist hərbiçiləri cümə axşamı günü səhər saatlarında zirehli maşınlarla, döyüş ləvazimatlarıyla və “Üsamə ət-Tavil” adlı əsirin evini dağıtmaq məqsədiylə Nablusa hücum ediblər. Nəticədə, Fələstin müqavimət qüvvələri və yerli camaatla sionist hərbiçiləri arasında toqquşma baş verib.
Sionist hərbiçiləri həmçinin Yerihoda yerləşən “Əqəbeye Cəbr” düşərgəsinə hücum etməklə, Fələstin müqavimət qüvvələri ilə toqquşublar. Bu toqquşmada müqavimət qüvvələri sionist hərbiçilər ilə mübarizədə güllə və partlayıcı paketlərdən istifadə ediblər.