Xarici KİV-in verdiyi məlumata görə, yerli mənbələr bildiriblər ki, həftənin bazar ertəsi günü səhər, Cenin şəhərində işğalçı qüvvələrlə fələstinli döyüşçülər arasındakı toqquşmada Əşrəf Muhəmməd Şeyx İbrahim adlı fələstinli gənc sionistlər tərəfindən şəhid edilib.
Bəzi mənbələr bildiriblər ki, Əşrəf Muhəmməd İbrahim Fələstin Kəşfiyyat İdarəsinin zabitlərindəndir.
Fələstinə bağlı xəbər agentliyi təhlükəsizlik mənbələrinə istinadən bildirib ki, çox sayda işğalçı ordu qüvvələri bir neçə tərəfdən Cenin şəhərinə hücum ediblər və snayperçilər bir sıra binaların damlarında yerləşiblər.
Bu hücumun ardınca şəhərin müxtəlif bölgələrində işğalçı hərbiçilərlə fələstinli gənclər arasında ağır toqquşmalar baş verib. Toqquşma zamanı fələstinlilərə tərəf atılmış döyüş güllələri nəticəsində 8 nəfər yaralıb ki, onlardan birinin vəziyyətinin ağır olduğu bildirilib.
Eyni halda bildirilib ki, işğalçı qüvvələr yaralıların təcili yardım maşınları ilə aparılmasının qarşısını alıblar.