Sionist hərbiçiləri İordan çayının qərb sahillərinin mərkəzindəki “Əqəbəye Cəbr” düşərgəsinə hücum etməklə fələstinli bir yeniyetməni şəhadətə yetiriblər.
Fələstin Şəhiyyə Nazirliyi dünən (bazar ertəsi günü) bildirib ki, Yerihonun (İordan çayının qərb sahillərinin mərkəzi) cənubundakı “Əqəbəye Cəbr” düşərgəsində sionist hərbiçiləri ilə toqquşmada “Cəbrayıl Muhəmməd Əl-Lədə” adlı 17 yaçlı fələstinli bir yeniyetmə şəhadətə çatıb.
Bir sıra sionist hərbiçisi qəflətən Əqəbəye Cəbr düşərgəsinə daxil olmaqla bir neçə evi mühasirə edib. Bunun ardınca fələstinli gənclər sionist hərbiçiləri ilə toqquşublar və Cəbrayıl Muhəmməd Əl-Lədə döyüş gülləsi ilə hədəfə alınıb. Həmçinin, sionist hərbiçiləri digər 6 nəfər fələstinlini yaralayıblar ki, onlardan üçünün vəziyyətinin ağır olduğu bildirilib.
Xilasedici qüvvələr dərhal yaralıları xəstəxanaya aparıblar. Bir neçə saatdan sonra Fələstin Şəhiyyə Nazirliyi bəyanat yayaraq Lədənin döyüş gülləsi ilə şəhid olduğunu xəbər verib.
Yerihodakı Əsirlər Cəmiyyətinin direktoru “Eyd Bərahənə” deyib ki, işğalçı qüvvələr Əqəbəye Cəbr düşərgəsinə daxil olduqdan sonra “Fəth” hərəkatının katibi “Əhməd Cihad Əbul Əsəl” və “Əhməd Cabir Vəhdan”-ı həbs ediblər.
Yerihoda bu fələstinli yeniyetmənin şəhadəti ilə cari ilin əvvəlindən sionist işğalçılarının açdığı atəş nəticəsində şəhid olmuş fələstinlilərin sayı 106 nəfərə çatıb.