İşğalçı rejim bombardmanlar və artilleriya hücumlarından sonra Qəzzə şəhərindəki Şifa xəstəxanasını tamamilə nəzarət altına alıblar, amma yenə də heç bir əsir tapılmayıb.
Fələstin İnformasiya Mərkəzinin verdiyi məlumata əsasən, sionist rejiminin TV kanallarından biri bildirib: Ordu Şifa xəstəxanasına geniş həcmli hücumdan sonra xəstəxana daxilində heç bir əsirini tapa bilməyib.
Eyni zamanda xarici KİV-in verdiyi məlumata görə, işğalçı rejimin ordusu Qəzzə şəhərindəki Şifa xəstəxanasını tamamilə öz nəzarəti altına alıb və xəstəxanaya hücum zamanı hərbiçilərindən biri yaralanıb. Bundan əlavə, sionist ordusunun xəstəxana daxilində olan 80 fələstinlini həbs etməsini bildirib.
Şifa xəstəxanasındakı bəzi mənbələr bildiriblər ki, sionist rejimi dünən səhər saatlarından etibarən 40 dəfədən çox xəstəxananı bombalayıb.
İsrailli işğalçıların xəstəxananın içindəki qazıntı işləri hələ də davam edir.
Bəzi xəbər mənbələrinin verdiyi məlumata görə, Şifa xəstəxanasının daxilində iki dəhşətli partlayış baş verib. Həmçinin xəstəxanada olan 30 mindən çox qaçqın və köçkünün həyatı təhlükədədir. Bombardmanların davam etməsi və elektrik cərəyanının kəsilməsi səbəbi ilə 5 mindən çox yaralı da təhlükə ilə qarşı-qarşıyadır.
Sionist rejimi ordusu bazar günü gecə, HƏMAS-la mübarizə bəhanəsi ilə Qəzzə şəhərindəki Şifa xəstəxanasını növbəti dəfə ağır artilleriya və hava hücumlarına məruz qoyub. Bu hücumlarla eyni zamanda işğalçı İsrail hərbiçiləri də bu xəstəxanaya qarşı çox sayda atəş açıb və oranı mühasirəyə alıblar.
Fələstinli mənbələr sionistlərin Şifa xəstəxanasına olan hücumunda onlarla insanın şəhid olması və yaralanması barədə məlumat veriblər.
Bu rejimin ordusu keçmişdə olduğu kimi bu dəfə də iddia edib ki, bu əməliyyatlar HƏMAS-ın bu xəstəxanadakı mövcudluğu və onun üzvlərinin orada gizlənməsinə dair məlumatlar əsasında həyata keçirilib.
Qəzzədəki Fələstin Səhiyyə Nazirliyi bu hücumlara reaksiya verərək bildirib ki, düşmən olan sionist yenə də yalan və saxta nəqllərlə dünyanı aldatmağa və Şifa xəstəxanasına olan hücumuna haqq qazandırmağa çalışır.
