Fələstin İslam Cihad Hərəkatı, çərşənbə axşamı səhər saatlarında Qəzzə zolağında baş verən hava hücumunda hərbi qolunun sözçüsü Əbu Həmzənin şəhid olduğunu açıqlayıb.
Media mənbələri Fələstin İslam Cihad Hərəkatının hərbi qolunun sözçüsü Əbu Həmzənin şəhid olması barədə məlumat veriblər.
Ərəb qəzetlərindən birinin müxbiri, Səraya al-Qüdsün sözçüsü olan “Əbu Həmzə” adı ilə tanınan “Naci Əbu Seyf”in həyat yoldaşı Şəyma Əbu Seyf ilə birlikdə bu gün (çərşənbə axşamı) səhər saatlarında Qəzzə zolağında baş verən hava hücumunda şəhid olduğunu bildirib.
Fələstin İslam Cihad Hərəkatı da yayımladığı bəyanatda, Əbu Həmzənin şəhid olmasını təbrik edib və başsağlığı verib. Bundan əvvəl isə HƏMAS hərəkatı da yayımladığı bəyanatda İsrailin Qəzzə zolağına qarşı yeni hücumu zamanı öz lider və dövlət rəsmilərindən 5 nəfərin şəhid olduğunu təsdiqləmişdi.
Həmin liderlər aşağıdakılardan ibarətdir:
Dövlət Məsələlərini İzləmə Komitəsinin sədri – İsam əd-Dəlis;
Həməs Hərəkatının Siyasi Büro üzvü – Yasir Hərb;
Ədliyyə Nazirliyinin rəhbəri – Əhməd əl-Hətə;
Daxili İşlər Nazirliyinin rəhbəri – Mahmud Əbu Vətəfə;
Daxili Təhlükəsizlik Təşkilatının baş direktoru – Bəhcət Əbu Sultan.
Sionist rejimi çərşənbə axşamı günü Qəzzə zolağına qarşı müharibəni yenidən başladığını açıqlayıb. Tibb mənbələri bildirib ki, bu rejimin hava hücumları nəticəsində Qəzzə zolağının müxtəlif bölgələrində indiyədək 419 nəfər şəhid olub, 528 nəfər isə yaralanıb. Sionist ordu sözçüsü isə siyasi rəhbərlərin göstərişinə əsasən, ordu və Şabak qüvvələrinin Qəzzə zolağının müxtəlif yerlərində HƏMAS-ın mövqelərinə qarşı geniş miqyaslı hücuma başladığını iddia edib.
HƏMAS İsrailə xəbərdarlıq edərək bildirib ki, bu hərəkatın komandirlərinin qətlini davam etdirmək bu rejimin məqsədlərinə çatmasına səbəb olmayacaq və Fələstin xalqının və müqavimətinin iradəsini və birliyini sındıra bilməyəcək. Əksinə, bu, Fələstin xalqının İsrailin düşmən mövqelərinə qarşı müqavimətini artıracaq və gücləndirəcək.