Sabirin hərəkatının baş katibi bütün müsəlmanların Livan Hizbullahının mərhum baş katibi şəhid Seyid Həsən Nəsrullahın dəfn mərasimində iştirak etməsinin zəruriliyini vurğulayaraq deyib: Şəhid Seyid Həsən Nəsrullahın dəfn mərasimi ABŞ və düşmən İsrailə müqavimətin hələ də güclü olduğu mesajını çatdırır.
Fələstin Sabirin hərəkatının baş katibi Hişam Salim verdiyi müsahibədə bildirib: Hizbullahın mərhum baş katibi şəhid Seyid Həsən Nəsrullahın dəfn mərasimi ABŞ-a və düşmənə müqavimətin hələ də güclü olduğu və addımlarına davam edəcəyi ilə bağlı bir mesajdır.
O, vurğulayıb: Şəhid Seyid Həsən Nəsrullahın və Hizbullahın İcra Şurasının mərhum rəhbəri şəhid Haşim Səfiyyuddinin xüsusilə bu zamandakı dəfninin çox mühüm mesajları var. Yaxşı olar ki, bütün dünya müsəlmanları, möminlər və müstəzəflər Seyid Həsən Nəsrullahın dəfn mərasimində iştirak etsinlər. Çünki o, bütün ümmət və bütün müstəzəflər üçün bir qəhrəman idi.
Sabirin hərəkatının baş katibi əlavə olaraq bildirib: Belə bir geniş həcmli dəfn mərasimi ABŞ-a, düşmən sionist rejiminə və onların regiondakı və dünyadakı əlaltılarına müqavimətin hələ də güclü olduğu, onun “Fələstini azad edəcək və Qüdsdə namaz qılacağıq” deyən şəhid Seyid Həsən Nəsrullahın yolunu davam edəcəyi ilə bağlı güclü bir mesaj olmalıdır. Allahın izni ilə bu mərasimdə iştirak etməklə şəhid Seyid Həsən Nəsrullahla əhd bağlayacağıq ki, Fələstinin azad olacağı və Qüdsdə namaz qılmacağımız günə qədər müqavimətin yolunu davam edəcəyik.
Hizbullahın mərhum baş katibi şəhid “Seyid Həsən Nəsrullah”ın və Hizbullahın İcra Şurasının mərhum rəhbəri şəhid “Haşim Səfiyyuddin” in cənazəsi bugün 23 Fevral 2025-ci ildə dəfn olunub.
Livan Hizbullahının baş katibi Seyid Həsən Nəsrullah 27 Sentyabr 2024-cü ildə qəsbkar sionist rejimin Livanın Cənbui Zahiyə bölgəsinə olan cinayətkar hücumunda şəhid olub.
Livan Hizbulahı Sentyabrın 28-də bu böyük mücahidin ruhunun göylərə ucaldığını təsdiqləyib.
Şəhid Seyid Həsən Nəsrullah 64 yaşında və Livan Hizbullahının baş katiblik vəzifəsini 32 il öhdəsinə aldıqdan sonra öz keçmiş arzusuna, yəni şəhidliyə nail oldu.
Əlaqədar xəbərlər
