İordan çayının qərb sahillərində 2 yaşlı fələstinli bir uşaq israilli hərbiçilərin açdıqları atəş nəticəsində yaralanıb, daha sonra isə şəhid olub.
Muhəmməd Heysəm Ət-Təmimi adlı 2 yaşlı fələstinli uşaq sionist hərbiçilərinin atəş açmaları nəticəsində şəhid olub. Bu uşaq sionist işğalçılarının bir neçə gün əvvəl Ramullahın şimal-qərbində yerləşən Bəni-Saleh kəndinə hücumları zamanı atası ilə birlikdə yaralanmışdı.
Fələstinlilər bu gün (bazar ertəsi günü) bu şəhid uşaqla əzəmətli vidalaşma mərasimi keçiriblər.
ABŞ və müttəfiqlərinin tam nəzarəti altında olmasına görə, işğalçıların Fələstin xalqına qarşı etdikləri cinayətləri dayandırmaq üçün heç bir əməli addım atmayan Birləşmiş Millətlər Təşkilatı verdiyi zahiri bəyanatında 2 yaşlı fələstinli bir uşağın şəhadəti ilə nəticələnən işğalçıların cinayəti barəsində ədalətli araşdırma aparılmasını tələb edib.
Britaniya kabinetinin rəsmisi də aldadıcı ifadələrində 2 yaşlı uşağın şəhadəti barəsində cinayəti törədənlərdən yəni, işğalçılardan şəffaf araşdırmalar tələb edib.
Fələstin İslami Cihad Hərəkatı bəyanat yayaraq Ramullahın Bəni-Saleh kəndində sionist ordusunun gülləsi ilə şəhid olan fələstinli uşaq Muhəmməd Heysəm Ət-Təmiminin şəhadətiylə bağlı baş sağlığı verib.
Bu bəyanatda Muhəmməd Heysəmin şəhadətiylə bağlı baş sağlığıyla yanaşı deyilib ki, Fələstin xalqını hədəf seçmək faşist sionist rejiminin cinayətlərinin və təşkilatlanmış terrorizmin davamının göstəricisidir.
Fələstin İslami Cihad Hərəkatı verdiyi bəyanatında, Fələstin torpaqlarının azad olunmasına qədər sionist rejiminin cinayətlərinə cavab olaraq müqavimətin artırılmasını və şəhid qanlarının intiqamının alınmasını istəyib.