Sionist rejimi ordusu dünən (cümə axşamı) səhər, Fələstin vətəndaşlarından birinin evini dağıtmaq üçün Ramullaha hücum edib. Bu da toqquşma və 6 nəfər fələstinlinin yaralanması ilə nəticələnib. Sionist rejiminin fələstinli döyüşçülərin evlərini dağıdıb xaraba qoyma əməliyyatları kollektiv cəza və hərbi cinayət sayılır.
Yerli mənbələr bildiriblər ki, işğalçı qüvvələr dünən səhər hərbi cinayət və kollektiv cəzalandırma siyasətinin həyata keçirilməsi prosesində Fərrux adlı fələstinli əsir məhbusun ailəsinin 250 kvadrat metr məsafədə yerləşən, ata, ana və dörd bacısının yaşadığı 4 mərtəbəli yaşayış mənzilini dağıdıblar.
Mənbələrin bildirdiyin görə, işğalçı hərbiçilər bu fələstinli əsir məhbusun ailəsinə aid yaşayış mənzilinə hücum ediblər və daha sonra divarlarına partlayıcı maddələr qoymaqla onu partladıblar.
Cümə axşamı gününün ilk saatlarında sionist əsgərlərinin bu fələstinli vətəndaşın evini dağıdıb xaraba qoymaq üçün İordan çayının qərb sahillərində yerləşən Ramullah şəhərinə hücumunun ardınca, bu bölgədə toqquşmalar baş verib.
Şahidlərdən biri deyib: Böyük hərbi karvan Ramullah şəhərinin mərkəzinə, Fələstin Muxtariyyəti Təşkilatının qərargahına daxil olub və yüzlərlə fələstinli də bu bölgəyə toplanıb.
O, əlavə olaraq deyib: Fələstinli gənclər sionist əsgərlərinə daş atıblar və əsgərlər də onlara tərəf atəş açıblar. Həmçinin, zibil qutuları yandırılıb və təcili yardım maşınlarının səsləri eşidilib.
Fələstin Muxtariyyəti Təşkilatının Səhiyyə Nazirliyi bildirib ki, 3-ü güllə yarası almış azı 6 nəfər müalicə üçün xəstəxanaya köçürülüb.
Fələstin Muxtariyyəti Təşkilatının rəhbəri Mahmud Abbasın rəhbərlik etdiyi Fəth partiyasından olan Əbdül-Fəttah Dela deyib: “Döyüşçülərin evlərini dağıtmaq hərbi cinayət sayılan kolektiv cəzadır və işğalçılar onu bizim xalqımıza qarşı törədiblər.”
Sionist rejimi iddia edib ki, fələstinlilərin evlərinin dağıdılmsı siyasəti həm tənbehdir, həm də ehtimal olunan hücumçuların qarşısını almaq üçündür.
Bu arada Fələstin məsələləri üzrə ABŞ-ın nümayəndəsi Hadi Əmr bir neçə saat əvvəl Fələstinin yüksək rütbəli şəxsi Hüseyn Əş-Şeyxlə görüşüb.
Fələstinlilərin öz ölkələrini qurmaq istədikləri torpaqların bir hissəsi olan İordan çayının qərb sahillərindəki zorakılıq ötən il artıb. Fələstinlilərin öz şəhərlərindəki küçə hücumlarının ortasında sionist rejimi öz hərbi hücumlarını gücləndirib.
Fələstin Muxtariyyəti Təşkilatının Səhiyyə Nazirliyi bildirib ki, Yanvar ayından indiyə kimi azı 158 fələstinli İsrail tərəfindən şəhid edilib.