Müsəlmanlar xeyir və bərəkətlə dolu Ramazan ayını qarşılamaq üçün məscidləri bəzəyirlər. Azan səsi və oruc tutan insanların gediş-gəlişi məscidləri zinətləndirir. Amma sionist rejimi 1000-dən çox məscidi dağıtmaqla və 100-dən çox imam-camaatı (pişnamazı) öldürməklə Ramazan ayı abu-havasını məhv edib.
Qəzzədəki müsəlmanlar digər dünya müsəlmanları kimi hər il Ramazan ayının gəlişi münasibəti ilə məscidləri bəzəyirdilər. Amma bu il sionist rejimi heç bir canlıya rəhm etmədən Qəzzədə geniş qətliam törətməklə Qəzzə məscidlərini hər növ sevinc və şadlıqdan məhrum ediblər. Çünki, insanlar ya yaxınlarını dəfn etməklə məşğuldurlar ya yaralılarla xəstəxanalarda yaşayırlar ya da sionist rejiminin kor və hədəfsiz bombardmanları qorxusundan didərgin düşüblər. bəziləri də Qəzzənin tamamilə mühasirə olunması və kəskin qida çatışmazlığı səbəbindən övladlarını aclıqdan qurtarmaq üçün bir tikə çörək axtarırlar.
Qəzzədəki Vəqflər və Dini İşlər Nazirliyinin son statistikasına əsasən, sionist rejimi ordusu Oktyabrın əvvəllərindən (Oktyabrın 7-dən etibarən) Qəzzədə 1000 məscidi və onlarla məzarı dağıdıb və 100-dən çox imam-camaatı öldürüb.
Bu nazirlik bəyanat verərək bildirib ki, tamamilə yaxud qismən dağıdılmış məscidlərin sayı ümumilikdə 1200 məsciddən 1000-nə çatır. Onlar arasında tarixi məscidlər də var və onların yenidən qurulması təxminən 500 milyon dollar tələb edir.
Bu bəyanatda deyilir ki, sionist hərbiçiləri 100-dən çox imam-camaatı, xətibi və Quran hafizini şəhid ediblər.
Sionist rejiminin Qəzzədəki hücumları və qətliam cinayəti cümə axşamı günü 6-cı ayına daxil olub. bu rejim hava, artilleriya hücumları həayat keçirməklə, adi vətəndaşlara qarşı fəlakətli cinayətlər törətməklə hələ də soyqrıma davam edir. Bu arada Qəzzə əhalisinin 90%-dən çoxu didərgin düşüb. Bu təcavüzlərdə 30 min 717 nəfər şəhid olub və 72 min 156 nəfər isə yaralanıb. Yaşayış bölgələrinin bombalanması səbəbindən bu hücumlarda həyatlarını itirənlərin çoxu qadın və uşaqlardan ibarətdir.