Sionist rejiminin təcavüzkar qırıcılarının Qəzzə zolağının cənubunda yerləşən Rəfəh şəhərinin şimal-qərbindəki fələstinli qaçqınların çadırlarına olan hücumu 40-dan çox fələstinlinin şəhid olması və onlarla digər insanın isə yaralanması ilə nəticələnib.
Sionist rejiminin orudusuna aid təcavüzkar qırıcı təyyarələr dünən axşam Qəzzə zolağının cənubunda yerləşən Rəfəh şəhərinin şimal-qərbindəki fələstinli qaçqınların çadırlarını bombalayıblar.
Bu cinayətdə hələlik 40 nəfər fələstinli şəhid olub, onlarla insan isə yaralanıb. Dağıntılar altında qalanların tapılması üçün axtarışlar davam etdirilib.
Qəzzə zolağındakı Fələstin Dövlət İnformasiya Ofisi işğalçı sionist ordusunun ötən 24 saat ərzində Rəfəhdə fələstinlilərin məskunlaşdığı 10-dan çox mərkəzi bombaladığını və bunun nəticəsində də 190-dan çox fələstinlinin şəhid olduğunu açıqlayıb.
Adı çəkilən ofis vurğulayıb ki, sionist rejiminin orudusu törətdiyi yeni cinayətində Rəfəhin şimal-qərbində yerləşən qaçqınların məskunlaşdığı çadır və mərkəzləri 7 raket və böyük bomba ilə bombalayıb. Nəticədə isə, indiyə qədər (məlumat verilən vaxta qədər) azı 30 nəfər şəhid olub və onlarla insan isə yaralanıb.
Qəzzə Yardım və Xilasetmə Təşkilatı da dünən gecə Rəfəhdə törədilən cinayət nəticəsində çoxlu insanın amputasiya yaxud ağır yanıq xəsarətləri aldığını, çox sayda qadın və uşağın isə həyatını itirdiyini açıqlayıb.
HƏMAS İslami Müqavimət Hərəkatı verdiyi bəyanatda bildirib ki, sionist rejiminin cinayətkar ordusu bugün gecə yüz minlərlə insanın məskunlaşdığı Rəfəhin qərbində fələstinli qaçqınlara qarşı növbəti cinayətə əl atıb. Bunun nəticəsində də, onlarla insan şəhid olub və yaralanıb ki, onların da çoxu qadın və uşaqlardır. Bu, Beynəlxalq Ədalət Məhkəməsinin Rəfəhə qarşı hücumun təcili olaraq dayandırılması ilə bağlı verdiyi göstərişə qarşı açıq-aşkar etinasızlıq və təhqirdir.
Bu hərəkat vurğulayıb: Biz ABŞ hökumətinin Co Baydenin bu cinayətə görə xüsusi olaraq məsuliyyət daşıdıqlarına inanırıq. Çünki, bu ölkənin dəstəkləri və çox sayda qaçqının olmasına rəğmən Rəfəhə hücum üçün yaşıl işığı olmasaydı, düşmən sionist belə cinayət törədə bilməzdi.
HƏMAS, həmçinin Beynəlxalq Ədalət Məhkəməsinin hökmlərinin və qərarlarının təcili surətdə icra olunmasını, cinayətlərin və fələstinli mülki əhalinin, o cümlədən qadınların, uşaqların və yaşlı insanların qanlarının axıdılmasının dayandırılması üçün işğalçı rejimə təzyiq göstərilməsini istəyib.
Bundan əlavə, bu hərəkat bütün tərəflərdən, xüsusən də Misirdən Rəfəh keçidinin fəaliyyətinin bərpa edilməsi, yaralıların, xəstələrin çıxarılmasının asanlaşması və humanitar yardımların gəlməsindən ötrü sionist rejiminə qüvvələrini oradan çıxarması üçün təzyiq göstərmələrini istəyib.
HƏMAS vurğulayıb ki, dünya ictimaiyyəti, BMT və bütün əlaqəli tərəflər Fələstin xalqına qarşı 7 aydan çox davam edən soyqrımın təcili şəkildə dayandırılması üçün təcili hərəkət etməldirlər. Onlar Fələstin xalqının köçürülməsi və milli amallarını məhv etmək ardınca olan sionistlərin qətliam və terorizm maşınının qarşısında Fələstin xalqını dəstəkləməlidirlər.