Britaniyanın Economist jurnalı Qəzza zolağında yardım paylama məntəqələrinin yaxınlığında fələstinli şəhidlərin sayında kəskin artım olduğunu açıqlayıb. Şahidlərin sayı may və iyun ayları arasında səkkiz dəfədən çox artıb. Bu artım ABŞ tərəfindən dəstəklənən və maliyyələşdirilən “Qəzza Humanitar Fondu” adlı qurumun fəaliyyətə başlaması ilə üst-üstə düşür.
Silahlı Münaqişə Hadisələri və Məkan Məlumatları Layihəsinin məlumatına görə, yalnız iyun ayında təxminən 800 fələstinli ərzaq yardımı almağa çalışarkən şəhid olub. Jurnal Qəzzada yardım almağı “ölümcül” bir proses kimi təsvir edib.
Jurnalın yazdığına görə, peyk şəkilləri və xəritələr göstərir ki, “Qəzza Humanitar Fondu”nun dörd mərkəzi tamamilə işğalçı ordunun nəzarətində olan ərazilərdə yerləşir. Bu ərazilər əvvəllər mülki əhalinin boşaldılması üçün elan edilmişdi. Beləliklə, yardım məntəqələri açıq ölüm tələsinə çevrilib.
May ayının sonlarından etibarən bu fond beynəlxalq qurumların iştirakdan imtina etdiyi və fələstinliləri öldürmək, köçürmək və alçaltmaq vasitəsi kimi dəyərləndirdiyi ABŞ-İsrail layihəsini həyata keçirir. Layihə Qəzza daxilində ərzaq bölgüsünü beynəlxalq təşkilatların əlindən alaraq nəzarəti tamamilə işğalçıların əlinə verir.
Qəzza Səhiyyə Nazirliyi bu layihənin icrasının başlanmasından bəri 1157 fələstinlinin şəhid olduğunu, 7758 nəfərin isə yaralandığını sənədləşdirib. Bu qurbanlar yardım məntəqələrində mülki şəxsləri hədəf alan işğalçı ordunun atəşləri nəticəsində baş verib.
Bununla bağlı Britaniyadakı Ərəb İnsan Haqları Təşkilatı Beynəlxalq Cinayət Məhkəməsinin prokuroruna şikayət təqdim edərək, “Qəzza Humanitar Fondu”nun məsul şəxsləri və onunla müqaviləli təhlükəsizlik şirkətlərinə qarşı təcili istintaqın açılmasına çağırıb. Şikayətdə törədilən cinayətlərin məhkəmənin yurisdiksiyasına aid olduğu, müharibə cinayətləri, insanlığa qarşı cinayətlər və soyqırımda iştirak faktlarını əhatə etdiyi vurğulanıb.
Təşkilat şikayətinə peyk şəkilləri və xəritələr də əlavə edib. Bu görüntülər yardım məntəqələrinin hərbi bazaları xatırladan dizaynda tikildiyini göstərir. Dar, uzun giriş yolları tədricən boğulma sahələrinə aparır və burada mülki əhali işğalçı əsgərlərin birbaşa atəşinə məruz qalır. Bəzi hallarda isə tank mərmiləri izdihama tərəf atılır.
Təşkilat bildirib ki, bu mərkəzlərin daxilində və ətrafında baş verənlər sahə şahidlərinin ifadələri, müstəqil media və BMT hesabatları ilə sənədləşdirilib. Bu da onların planlı qətl alətlərinə çevrildiyini və fələstinliləri aclıqla məcburi köçkün salmaq məqsədi daşıyan hərbi gündəliklər çərçivəsində idarə olunduğunu sübut edir.
Yerlı tibbi hesabatlara görə, ABŞ dəstəyi ilə həyata keçirilən soyqırım və İsrail mühasirəsi nəticəsində yaranan aclıq və susuzluqdan 147 nəfər şəhid olub, onların 88-i uşaqdır.
Təşkilat onu da təsdiqləyib ki, “Qəzza Humanitar Fondu” adlanan qurum BMT tərəfindən təqdim edilən humanitar yardımların daxil olmasına birbaşa mane olub. Bu isə ərzaq və dərman çatışmazlığı səbəbindən daha çox mülki şəxsin şəhid olmasına və aclığın Qəzza zolağında on minlərlə insanın həyatına real təhlükəyə çevrilməsinə səbəb olub.
Mart ayının əvvəlindən etibarən işğalçı qüvvələr 19 yanvar tarixində başlayan atəşkəs və əsir mübadiləsi razılaşmasından imtina edib və bütün beynəlxalq təşəbbüsləri rədd edərək soyqırımı davam etdirir.
BMT və Fələstin tərəfinin misilsiz humanitar fəlakət xəbərdarlıqlarına baxmayaraq, işğalçı 2 mart tarixindən bəri Qəzza zolağının keçidlərini humanitar yardım və tibbi yüklərə bağlayıb və aclığı fələstinlilərə qarşı silah kimi istifadə edir.