İsrail rejimin ordusu Qəzzənin müxtəlif bölgələrini bombalamağa davam edir. Bunun nəticəsində daha 23 fələstinli həyatını itirib, onlarla insan isə yaralanıb.
Xarici KİV-in bu gün səhər (şənbə) verdiyi məlumata görə, İsrail rejimin ordusunun Qəzzə zolağının müxtəlif bölgələrinə son hücumları nəticəsində 23 nəfər şəhid olub və onlarla insan isə yaralanıb.
Eyni zamanda, sionist rejimin ordusu Qəzzə zolağının cənubundakı Rəfəh şəhərini mühasirəyə alıb və şəhərin şimal məhəllələrində fələstinlilərin evlərini söküb partlatmağa başlayıb.
Fələstin mənbələri İsrail rejiminin Qəzzə zolağının cənubundakı Xan Yunis şəhərinin qərbində yerləşən “əl-Məvasi” bölgəsində qaçqın çadırına pilotsuz təyyarə ilə hücumunun çox sayda fələstinlinin şəhid olması və yaralanması ilə nəticələndiyini bildirib.
Bu mənbələr sionist rejimin ordusunun Qəzzənin cənubunda yerləşən Rəfəh şəhərinin şimalındakı binaların dağıdılmasına da işarə edib.
Sionist ordusuna məxsus helikopterlər də Qəzzənin şərqindəki ət-Tuffah məhəlləsinin şərq bölgələrində fələstinlilərin evlərini hədəfə alıb.
Eyni zamanda, tibb mənbələri İsrail döyüş təyyarələrinin Qəzzə şəhərinin şərqindəki müxtəlif bölgələrə ağır hücumları nəticəsində “ət-Tuffah” məhəlləsində ən azı bir Fələstin vətəndaşının şəhid olduğunu bildiriblər.
Hadisə şahidləri, həmçinin borbardmanlar və güclü partlayışlar nəticəsində məhəllənin geniş şəkildə dağıldığını qeyd ediblər.
Bununla bağlı BMT-nin İnsan Haqları üzrə Ali Komissarlığı verdiyi açıqlamada 2025-ci ilin 18 Mart-9 Aprel tarixləri arasında İsrail rejiminin yaşayış binalarına və qaçqın çadırlarına 224 hücum təşkil etdiyini açıqlayıb.
