Qəzzə Səhiyyə Nazirliyi çərşənbə günü bir bəyanat yayaraq, son 24 saat ərzində 629-dan çox fələstinlinin şəhid olduğunu və yaralandığını, soyqırım müharibəsində şəhid olanların sayının 57012-yə yüksəldiyini açıqlayıb.
Qəzzə Səhiyyə Nazirliyi gündəlik statistik hesabatında sionist rejimin Qəzzə zolağına qarşı soyqırım müharibəsində şəhid olanların sayının 57012 nəfərə, yaralıların sayının isə 134592 nəfərə çatdığını bildirib.
Xarici KİV-in verdiyi məlumatına görə, son 24 saat ərzində 142 şəhid (o cümlədən, dağıntılar altından bu yaxınlarda xilas edilən 3 şəhid) və 487 yaralı Qəzzə xəstəxanalarına köçürülüb. Həmçinin çoxlu sayda qurban hələ də dağıntılar altında və ya küçələrdədir və hücumların davam etməsi səbəbindən yardım qüvvələri onlara kömək edə bilmir.
Səhiyyə Nazirliyi onu da açıqlayıb ki, 223 yeni şəhid şəxsiyyət məlumatları doldurulduqdan və İtkin Düşmüş Şəxslərin Hesabatları üzrə Məhkəmə-Hüquq Komitəsi tərəfindən təsdiq edildikdən sonra rəsmi statistikaya əlavə edilib.
Təkcə 2025-ci il Martın 18-dən indiyədək 6454 şəhid və 22551 yaralının olduğu bildirilib.
Qəzzə zolağında 14 minə yaxın fələstinli hələ də itkin düşüb və dağıntılar altındadır.
Son günlər İsrail ordusu Qəzza zolağının sakinlərinə, xüsusən də köçkünlərə qarşı hücumlarını gücləndirərək onlara qarşı bir neçə ölümcül cinayət törədib.