Sionist rejiminin ordusu Qəzzə zolağına etdiyi hava hücumlarının 21-ci günündə yaşayış evlərini hədəfə almaqdan əlavə, iki məscidi bombalayıb.
Verilən məlumata əsasən, fələstinli tibb resursları dünən səhər (27 Oktyabr) bildiriblər ki, iki məscid işğalçı rejimin qırıcılarının hədəfinə çevrilib və sionistlərin Qəzzənin cənubunda yerləşən Xan Yunisə səhər saatlarındakı hücumları zamanı 15 nəfər fələstinli şəhid olub.
Xarici KİV-in verdiyi məlumata əsasən, dünən səhər sionist rejimi qırıcılarının Xan Yunisə etdikləri hücumlar fələstinli müxbir “Əyyad Əbu Namus”-un və anasının şəhid olması ilə nəticələnib.
Həmçinin bildirilib ki, işğalçı hərbiçilərin yeni hücumlarında Qəzzənin qərbində yerləşən Şati düşərgəsindəki iki məscid və yaxınlığındakı bir sıra evlər dağıdılıb.
Bu KİV sionist rejimi ordusunun Qəzzə müharibəsinin 21-ci günüdəki hücumlarının digər təfərrüatı barəsində hesabat verib: Qəzzə zolağının şimalında yerləşən Cəbaliya düşərgəsində bir evin sionist rejimi ordusu tərəfindən bombalanması nəticəsində bir sıra fələstinli şəhid olub və yaralanıb. Qəzzə zolağının mərkəzində yerləşən Deyr əl-Bələhin şərqində maşınlarını hədəfə alan işğalçıların bombardmanlarında iki fələstinli əkinci də şəhid olub.
Qəzzə zolağının Daxili İşlər Nazirliyi məlumat yayaraq bildirib ki, sionist rejiminin qırıcıları Əl-Əbyəz məscidini bombalayıblar. İşğalçıların hücumlarının başladığı vaxtdan etibarən, təxminən üç həftə ərzində hədəf seçilən məscidlərin sayı 40-ı keçib.
Qəzzə zolağının mərkəzində yerləşən “Əl-Yərmuk” məhəlləsindəki mülki müdafiə qrupları sionistlərin 7 mərtəbəli bir binanı və ətrafındakı evləri yerlə yeksan etdikləri hava bombardmanlarında qurban olanların cəsədlərini tapmaq üçün səylərini davam etdirirlər.
Əlaqədar xəbərlər
