Qəzzənin Daxili İşlər Nazirliyi Qəzzə zolağının şimalında yerləşən Cəbaliya düşərgəsindəki bir xəstəxananın yaxınlığında olan bir evin bombalanması zamanı 19 nəfər fələstinlinin şəhid olması barədə məlumat verib.
Xarici KİV-in veridiyi məlumata görə, Qəzzənin Daxili İşlər Nazirliyi bildirib ki, Qəzzə zolağının şimalındakı Cəbaliya düşərgəsinin mərkəzində yerləşən “Əl-Yəmən Əs-Səid” xəstəxanasının yaxınlığında olan bir evin bombalanması nəticəsində 19 nəfər şəhadətə çatıb.
Sionist rejiminin Qəzzə zolağına qarşı təcavüzünün başladığı gündən bugünədək (hücumların 33-cü günü) 4237 uşaq, 2823 qadın və qız, 631 nəfər yaşlı insanın da şamil olduğu 10569 nəfər şəhid olub. Bundan əlavə, 3000-dən çox itkin və 26000 yaralanmış fələstinli vətəndaş barəsində məlumatlar qeydə alınıb.
Xarici KİV-in Qəzzə hökumətinin informasiya ofisinə istinadən verdiyi məlumata əsasən, sionist rejiminin qırıcıları Cəbaliya düşərgəsinin mərkəzində yerləşən Əl-Əlbani məscidi yaxınlığındakı “Xəlil”-in ailəsinə aid evi bombalayıb.
Qəzzə hökumətinin informasiya ofisinin verdiyi məlumata görə, ötən bir neçə gün ərzində şəhid olanların təxminən 49%-i də Qəzzənin cənub bölgələrindəndir.