Qəzzə xalqına qarşı hücumlarını davam etdirən İsrail döyüş təyyarələri bu zolağın şimalında iki məktəbi bombalayıb və sionist hərbiçilərinin yardım paylama mərkəzlərində Qəzzə sakinlərinə atəş açaraq müdafiəsiz insanları öldürməsi davam edir.
Fələstin xəbər agentliyinin məlumatına görə, Fələstin mənbələri bazar günü Qəzzə zolağının şimalında yerləşən Cəbaliyada ən-Nəqab və ər-Rafii adlı iki məktəbin bombardman edildiyini bildiriblər.
“Nasir” tibb kompleksindəki tibb mənbəsi də bildirib ki, sionist hərbiçiləri Rəfəhdə humanitar yardım paylama mərkəzləri adlanan yerlər yaxınlığında açdığı atəş nəticəsində şəhid olan şəhidlərin sayı 13-ə çatıb.
Bu mənbəyə görə, İsrailin pilotsuz təyyarəsinin Cəbaliya düşərgəsinin qərbində təşkil etdiyi hücumda bir fələstinli də şəhid olub.
Xan Yunis şəhərinin şimal-qərbində qaçqın çadırına pilotsuz təyyarənin hücumu nəticəsində də bir neçə nəfər yaralanıb.
Digər tərəfdən, Qəzzədəki Fələstin Səhiyyə Nazirliyi bazar günü son statistik məlumatında açıqlayıb: Son 24 saat ərzində İsrailin Qəzzə zolağına təşkil etdiyi hücumlarda daha 108 nəfər şəhid olub, 393 nəfər isə yaralanıb.
Fələstin Səhiyyə Nazirliyi də bu gün səhər saatlarından humanitar yardıma çatmaq cəhdləri zamanı 5 fələstinlinin şəhid olduğunu, 123 nəfərin isə yaralandığını açıqlayıb.
Bəyanatda humanitar yardım istəyənlərin ümumi sayının indiyədək 115-ə, yaralıların sayının isə 1110-a çatdığı açıqlanıb.