Qəzzə şəhərinin qərbində yerləşən Tel əl-Həva məhəlləsində bir qrup Fələstin vətəndaşının işğalçı rejimin təyyarələri tərəfindən bombaran edilməsi nəticəsində azı 8 Fələstin vətəndaşı şəhid olub. Bundan əlavə, işğalçı qüvvələr cümə günü səhər vaxtı Ramulahın şimalında yerləşən əl-Cəlzun düşərgəsində bir müəllimi həbs ediblər.
İşğalçı rejimin ordusu cümə axşamı günorta saatlarından sonra bir dron vasitəsilə Qəzzə zolağının şimalında yerləşən Beyti Lahiyadakı İndoneziya xəstəxanası yaxınlığında bir at arabasını bombalayıb. Nəticədə, bir vətəndaş şəhid olub və digər iki nəfər isə yaralanıb. Hərbi bir təyyarə də həmin bölgədəki bir evə hücum edib.
Mülki müdafiə qrupu dünən Qəzzə zolağının cənubunda yerləşən Rəfəh şəhərindəki Yəbna düşərgəsinin işğalçı sionist rejmi tərəfindən bombalanmasından sonra şəhid Rizvan Əhməd Süleyman Əbu Həsəneynin (44 yaşlı) cəsədini evinin dağıntıları altından çıxarıb. Həmiçinin şəhid “Asya Munir Ğənnam” adlı kiçik qız uşağının cəsədini də Rəfəhdəki əl-Cəninə məntəqəsində əl-Kurdinin evinin dağıntıları altından çıxarılıb.
Bununla əlaqədar olaraq sionist rejiminin qırıcıları ən-Nəsiratın şimalına şiddətli hücumlar həyata keçiriblər və Qəzzə zolağının mərkəzində yerləşən əl-Məğraqə şəhərindəki yaşayış binalarını partladıblar.
Digər tərəfdən də işğalçı qüvvələr cümə günü səhər saatlarında Ramullahın şimalındakı əl-Cəlzun düşrgəsindən bir müəllimi həbs ediblər.
Düşərgənin bəzi yerli mənbələri bildiriblər ki, işğalçı qüvvələr 33 yaşlı müəllim Cihad Nəxləni Cəlzundakı evinə hücum etdikdən, axtarış apardıqdan və əşyalarını dağıtdıqdan sonra onu həbs ediblər.
Bu mənbələr vurğulayıblar ki, işğalçı qüvvələr düşərgəyə hücum edərək piyada dəstələrini bir neçə yerdə yerləşdiriblər və işğalçı əsgərlər də bir neçə evə hücum ediblər.