Sionist rejimi ordusunun bugün səhər tezdən Qəzzənin müxtəlif bölgələrinə hücumları zamanı onlarla fələstinli şəhid olub və yaralanıb.
Yerli media bugün (cümə axşamı günü) səhər tezdən sionist rejimi ordusunun Qəzzə zolağının müxtəlif yerlərinə qarşı cinayətkarcasına hücum etməsi barədə məlumat verib.
Xəbər mənbələri bu barədə bildiriblər ki, işğalçılara aid qırıcıların Qəzzənin mərkəzində yerləşən ən-Nəsirat düşərgəsindəki bir binaya hücum etməsinin ardınca, bir neçə fələstinli yaralanıb.
Həmçinin Qəzzə zolağının şimalında yerləşən “Beyt Lahiya” şəhərində bir mənzilin bombalanması nəticəsində 11 nəfər şəhid olub və bir neçə nəfər isə yaralanıb.
Xarici KİV-in verdiyi məlumata görə, sionist rejimi “əl-Qərarə” qəsəbəsi yaxınlığına hücum edib və eyni zamanda Qəzzə zolağının cənubunda yerləşən Xan Yunisin şimal-şərqini atəşə tutub.
Verilən məlumatlara əsasən, Qəzzə zolağının mərkəzində yerləşən “Deyr əl-Bələh” şəhərinin şərqindəki Əbu Ubeydə qəbirsanlığının ətraf əraziləri və əl-Qəstal qüllələri işğalçıların ağır hücumlarına məruz qalıb.
Sionist rejimi 2023-cü ilin Oktyabr ayının 7-dən və Qəzzə zolağına qarşı cinayətkar hücumlarına başlayan vaxtdan bəri 40 000-dən çox fələstinlini şəhid edib və azı 100 000 nəfəri isə yaralayıb.