Sionist rejimi şənbə günü səhər törətdiyi yeni cinayətdə Qəzzə zolağının mərkəzində yerləşən əz-Zəvayidə məntəqəsində 15 nəfərlik bir ailənin bütün üzvlərini qətliam edib.
Xarici KİV-in verdiyi məlumata görə, sionist rejiminin qırıcıları Qəzzə müharibəsinin 316-cı gününə də Qəzzə zolağının müxtəlif bölgələrini bombalamaqla və bir sıra fələstinli köçkünləri şəhid etməklə başlayıb.
Şənbə günü İsrail qırıcıları Qəzzə zolağının mərkəzində yerləşən əz-Zəvayidə məntəqəsində fələstinli bir ailəyə qarşı yeni cinayət törədib. Onlar Sami əl-Əcələnin 14 nəfər ailə üzvü ilə birlikdə sığındığı yeri hədəfə alaraq onların hamısını şəhid ediblər.
Fələstin xəbər agentliklərindən birinin yazdığına görə, bədənləri parça-parça olmuş bu 15 nəfər əl-Əqsa xəstəxanasına aparılıb.
Digər tərəfdən də, digər 2 Fələstin vətəndaşı ən-Nəsirat düşərgəsində Əbu Səbikənin evinin bombalanması zamanı şəhid olub.
Həmçinin Mazinin ailəsinin Qəzzə zolağının şimalındakı Şeyx Rizvan məhəlləsindəki mənzilinin bombalanması ilə 2 nəfər şəhid olub, 5 nəfər isə yaralanıb.
Sionist rejiminin Qəzzə şəhərinin qərbindəki Tel əl-Hava məhəlləsindəki Fələstin vətəndaşlarına hücumu nəticəsində 3, əz-Zeytun məhəlləsinə hücum da isə 8 nəfər şəhid olub.