Qəzzədə aclıq pik həddə çatıb, insanlar ərzaq qıtlığı ilə üzləşib, təbii ki, əsas qurbanlar uşaqlardır. Qəzzə küçələrində huşunu itirmək və yıxılmaq adi bir hadisəyə çevrilib, çünki hər kəs yemək üçün bir loxma axtarır.
Aclıq siyasətini ifşa edən kampaniyanın fəalı Məhəmməd əl-Siqli deyib: “21-ci əsrdə Qəzzəni bürüyən aclıq bizi şoka salıb. Şiddətli aclıq görünməmiş həddə çatıb və bu aclıq nəticəsində artıq onlarla insan həyatını itirib. Qəzzədə qadınlar, uşaqlar, qocalar da var. Qadınlar, yaşlılar və uşaqlar da daxil olmaqla, Qəzzə sakinləri kifayət qədər qida çatışmazlığından küçələrdə yerə yıxılırlar və uşaqlar, qadınlar, yaşlılar arasında ağır qidalanma pozuntuları mövcuddur. Uşaqlar aclıqdan yuxuya gedə bilmir, yaşlılar və gənclər isə bazarlarda yıxılırlar.”
O, həmçinin qeyd edib: İnsanlar yemək almaq üçün sionist ordusunun yerləşdiyi bölgələrə getməyə məcburdurlar, ona görə də ən yaxşı halda ya şəhid olurlar, ya da yaralanırlar.
Fələstinli bir qadın da deyib: Yemək və su yoxdur, uşaqlarımız acdır. Ona görə də onlar yemək almaq üçün təhlükəli yerlərə getməyə məcbur olurlar, bu səbəbdən oğlum yemək axtarmağa gedəndə yaralı halda qayıdıb. Övladlarımız bizə yemək vermək üçün həyatlarını riskə atırlar, amma ya yaralı qayıdırlar, ya da şəhid olurlar.
