Jurnalistlərdən biri bildirib ki, şiddətli aclıq və qıtlıq Qəzzədə anaları uşaqlarına çörək hazırlamaq üçün lobya və heyvan yemi üyütməyə məcbur edib.
Qəzzədəki şahidlər bildiriblər ki, mühasirənin davam etməsi və humanitar yardımların girişindəki ciddi məhdudiyyətlər sayəsində, analar övladları üçün çörək hazırlamaqdan ötrü lobya və heyvan yemini kimi quru taxıllardan istifadə edirlər.
Qəzzədəki jurnalist Tariq Əbu Əsvəm deyib: Analar çörək bişirmək üçün quru taxılları, heyvan yemini və hətta otu üyüdürlər ki, onunla övladları üçün çörəyə oxşar bir şey hazırlasınlar. Bunlar səssiz, amma ölümcül fəlakəti nəql edən görüntülərdir.
O, həmçinin bildirib: “Mən anaların övladlarına çörək hazırlamaq üçün lobya və heyvan yemi üyütdüklərinin şahidi olmuşam.”
Qəzzə sakinləri deyirlər ki, baş verənlər təkcə humanitar böhran deyil, İsrailin bölgə əhalisini aclıqdan öldürmək üçün apardığı hərbi siyasətin birbaşa nəticəsidir.
Şiddətli quru, dəniz və hava blokadası, malların ölkəyə girişinə qoyulan məhdudiyyətlər və keçidlərin bağlanması ərzaq, dərman və ilk tibbi yardımın daxil olmasını demək olar ki, mümkünsüz edib.
Bu vəziyyət Sərhədsiz Həkimlər, Oxfam və Beynəlxalq Amnistiya kimi beynəlxalq yardım təşkilatlarının Qəzzəyə edilən yardımın praktiki olaraq iflic vəziyyətə düşdüyü və beynəlxalq ictimaiyyətin dərhal bu vəziyyətə son qoymaq, daimi atəşkəs yaratmaq və keçidləri tamamilə açmaq üçün hərəkətə keçməli olduğu barədə dəfələrlə xəbərdarlıq etdiyi bir vaxta təsadüf edir.