Qəzzə Səhiyyə Nazirliyinin verdiyi məlumat görə, İsrail rejiminin ordusu ötən 48 saat ərzində Qəzzə zolağında 8 kütləvi qırğın törədib və fələstinli şəhidlərin ümumi sayı 32 min 414 nəfərə yüksəlib.
Qəzzə Səhiyyə Nazirliyi cümə axşamı günü verdiyi bəyanatda fələstinli şəhidlərin sayının artması haqda məlumat verib.
Nazirliyin cümə axşamı günü dərc etdiyi bəyanatda deyilir ki, İsrail ordusu ötən 24 saat ərzində Qəzzədə 8 kütləvi qırğın törədib ki, bu da 81 fələstinlinin şəhid olması və digər 93 nəfərin isə yaralanması ilə nəticələnib.
Bu bəyanata əsasən, fələstinli şəhidlərin sayı ümumilikdə 32 min 414 nəfərə çatıb və yaralıların sayı da 74 min 787 nəfərə yüksəlib.
Fələstinli mənbələrin sözlərinə görə, çox sayda şəhid hələ də dağıntılar altındadır və İsrail hərbiçiləri xilasedici qüvvələrə onları köçürmək üçün icazə vermirlər.
Qəzzənin Fövqəladə Hallar sözçüsü bu yaxınlarda verdiyi müsahibəsində bildirib ki, bu təşkilat 8000 fələstinlinin dağıntılar altında olduğunu təxmin edir. İsrail rejiminin ordusu Qəzzə zolağına qarşı geniş həcmli hücumlar həyata keçirməklə tibb, təhsil müəssisələri və ibadətgahlar da daxil olmaqla, bu bölgədəki bir çox müəssisələri viran qoyub.
Qəzzə xalqı İsrail qüvvələrinin mühasirəsi altındadır və dərman və qida maddələrinə böyük ehtiyacı var.
İsrail hərbiçiləri humanitar yardımlar daşıyan yük maşınlarının Qəzzəyə daxil olmasına çox çətinliklə icazə verirlər və bu maşınlar ciddi yoxlanışlardan sonra məhdud sayda Qəzzəyə daxil olurlar.